Gustave Nkurunziza wayoboraga ishyirahamwe ry’umukino wa Volleyball yeguye

Yanditswe na Cyprien Niyomwungeri
Kuya 20 Werurwe 2017 saa 06:47
Yasuwe :
0 0

Umuyobozi w’Ishyirahamwe ry’Umupira w’Intoki, Volleyball (FRVB), Nkurunziza Gustave yeguye kuri uwo mwanya, nyuma y’amezi hafi abiri atorewe kuriyobora mu yindi manda y’imyaka ine.

Mu itangazo ryashyizweho umukono na Nkurunziza, yatangaje ko yeguye kubera impamvu ze bwite, ashimira abo bakoranye ndetse atangaza ko bidatinze azategura ihererekanya bubasha na Visi Perezida wa mbere akayobora ishyirahamwe ndetse akanategura amatora ya Perezida mushya.

Nkurunziza ari mu bayobozi ba FRVB n’undi wo muri Komite Olempike bari batawe muri yombi mu kwezi gushize nyuma y’amakuru yavugaga ko haba hari amafaranga menshi yatanzwe kugira ngo bamwe mu bayobozi b’amakipe bamutorere kongera kuyobora ishyirahamwe rya Volleyball.

Gusa mu ntangiriro z’uku kwezi Urukiko rwisumbuye rwa Nyarugenge rwarabarekuye nyuma yo kubura ibimenyetso bifatika bibahamya icyaha.

Tariki ya 9 Gashyantare 2013 ni bwo Gustave Nkurunziza yatorewe kuyobora ishyirahamwe ry’umukino wa Volleyball mu Rwanda atsinze Antoine Sebalinda bahatanaga.

Nyuma y’imyaka ine uyu wahoze akinira amakipe nka Seminari Nto yo ku Karubanda ndetse n’iyahoze ari Kaminuza Nkuru y’u Rwanda, yongeye kwiyamamariza indi manda ahanganye na Karekezi Léandre wahoze ayobora Akarere ka Gisagara, amutsinda ku majwi 18 ku icyenda.

Inkuru bifitanye isano: Nyuma y’itabwa muri yombi ry’Umunyamabanga n’Umubitsi, Nkurunziza uyobora FRVB nawe arafunze

Nkurunziza Gustave wayoboraga FRVB yeguye ku mirimo ye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244