Ikipe za APR VC mu bagore n’abagabo zihariye ibikombe mu irushanwa ryo kwibuka Jenoside

Yanditswe na IGIHE
Kuya 5 Kamena 2017 saa 12:28
Yasuwe :
2 0

Instinzi mu irushanwa ngarukamwaka ryo kwibuka abakinnyi n’abakunzi ba Siporo bishwe muri Jenoside yakorewe Abatutsi (GMT 2017), muri Volley Ball yihariwe n’amakipe ya APR mu bagabo no mu bagore.

Mu bagore APR VC yihimuye kuri RRA VC iyitsinda ku mukino wa nyuma bigoranye seti 3-2 (22-25; 25-18; 24-26; 25-23; 15-12).

Aya makipe yombi yageze ku mukino wa nyuma nyuma yo gutsinda amakipe yo muri Uganda. APR yatsinze KAVC seti 3-0 na RRA VC yari yatsinze Sports S seti 3-0.

Mu bagore irushanwa ryitabiriwe n’amakipe atandatu harimo abiri yo mu Rwanda, atatu yo muri Uganda n’imwe yo muri Kenya ; Ay’u Rwanda ni nayo yageze ku mukino wa nyuma.

Mu bagabo, APR VC yatsinze REG VC ku mukino wa nyuma bigoranye seti 3-2 (22-25; 25-15; 25-21; 19-25; 15-11).

APR VC zombi zatahanye ibikombe n’ibahasha y’amafaranga 500,000 kuri buri kipe.
Amakipe 12 yari yitabiriye iri rushanwa ku rwego rw’abagabo harimo Sky, Kabiyeti, Sport.S, KVC, Nemo zo muri Uganda na Unik, Gisagara, APR, KAVC, REG, UTB, Kirehe zo mu Rwanda.

Abandi batwaye iri rushanwa mu bagore kuva muri 2013, harimo Pipeline (Kenya), 2014 na 2015 ryatwawe na RRA VC naho muri 2016 ryatwawe na Sport S (Uganda). Mu bagabo, muri 2013 ryatwawe na Inatek, 2014 na 2015 ritwarwa na Rayon Sport naho 2016 ritwarwa na Unik.

Mbere y’uko iyi mikino itangizwa, habanzaga gufata umunota wo kwibuka abakinyi n’abakunzi ba siporo bishwe muri Jenoside yakorewe Abatutsi muri 1994.

APR VC y'abogore yatwaye igikombe
Perezida wa Sena y’u Rwanda, Bernard Makuza niwe washyikirije igikombe APR VC
Hafatwaga umwanya hakazirikanwa abakinnyi bazize Jenoside
RRA VC yatsindiwe ku mukino wa nyuma na APR VC
Ikipe ya REG VC yatsindiwe ku mukino wa nyuma na APR VC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza