REG VC yegukanye igikombe cya shampiyona ya Volleyball (Amafoto)

Yanditswe na Eric Tony Ukurikiyimfura
Kuya 18 Gicurasi 2019 saa 10:39
Yasuwe :
0 0

REG VC yegukanye igikombe cya mbere cya Shampiyona ya Volleyball nyuma yo gutsinda Gisagara VC amaseti 3-0 mu mukino wa gatatu wa Playoffs wahuje amakipe yombi kuri uyu wa Gatandatu muri Petit Stade i Remera.

Amakipe yombi yitabaje uyu mukino wa gatatu nyuma y’uko buri imwe itsinze uwo yakiriye maze hitabazwa uwa gatatu wakiriwe na REG VC yari imbere mu mikino yabanje.

Muri uyu mukino wabaye ku mugoroba wo ku wa 18 Gicurasi 2019, REG VC yatsinze iseti ya mbere bigoranye, ku manota 25- 23, itsinda n’iya kabiri kuri 25-21.

Gisagara VC itahiriwe uyu munsi, yananiwe kongera kuzamura amanota kugira ngo ishake uko yisubiza igikombe, itsindwa iseti ya gatatu kuri 25-18.

REG VC yatsinze umukino ku maseti 3-0 (25- 23, 25-21, 25-18), yegukana igikombe cya shampiyona ku nshuro ya mbere mu mwaka wayo wa gatatu mu Cyiciro cya Mbere.

Mukunzi Christophe yatowe nk’umukinnyi w’umwaka. Karera Emile Dada, Mahoro Yvan, Gibril, Ntagengwa Olivier na Niyogisubizo Tyson na bo bashimiwe nk’abakinnyi bitwaye neza mu kibuga.

Gisagara VC yashakaga kwisubiza igikombe
REG VC yabaye iya kabiri mu mwaka ushize, yegukanye shampiyona ku nshuro ya mbere
Umukino wari witabiriwe n'abafana batari bake
Minisitiri w'Ubutegetsi bw'Igihugu, Prof. Shyaka Anastase n'abandi bayobozi bakurikiye uyu mukino
Umutoza wungirije wa REG VC, Peter Kamasa, yishimanye n'umwana we nyuma y'intsinzi ikomeye
Peter Kamasa yishimye amarira amushoka ku matama
Minisitiri w'Ubutegetsi bw'Igihugu, Prof. Shyaka Anastase, ahabwa igikombe mbere yo kugishyikiriza abakinnyi ba REG VC
REG VC yegukanye igikombe cya shampiyona ya Volleyball ku nshuro ya mbere

Amafoto: Niyonzima Moïse


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza