RRA na UTB VC zageze ku mukino wa nyuma muri Playoffs

Yanditswe na Eric Tony Ukurikiyimfura
Kuya 9 Kamena 2019 saa 06:29
Yasuwe :
0 0

Amakipe ya Rwanda Revenue Authority na UTB VC mu bagore, ni yo azakina umukino wa nyuma Playoffs uzatanga ikipe yegukana igikombe cya shampiyona uyu mwaka. RRA VC yatsinze KVC mu mukino wa kabiri amaseti 3-0 mu gihe UTB VC yatsinze APR VC amaseti 3-0 mu mikino yombi yabereye muri Petit Stade i Remera kuri iki Cyumweru.

Uyu munsi nibwo habaye iyi mikino ya kabiri hashakwa ikipe izatwara igikombe cya shampiyona mu cyiciro cya mbere mu bagore. RRA VC yasoje imikino isanzwe iri ku mwanya wa mbere yongera guhura na KVC yabaye iya kane mu mukino watangiye saa 13:00.

RRA VC yatwaye shampiyona y’umwaka ushize, ntiyagowe cyane n’uyu mukino wo kuri iki cyumweru kuko yawutsinze ku maseti 3-0 ndetse amanota menshi KVC yatsinze mu iseti imwe ni 16 (25-12, 25-15, 25-16).

Ikipe y’ikigo cy’igihugu gishinzwe Imisoro n’amahoro (RRA) yahise igera ku mukino wa nyuma dore ko yari yanatsinze umukino ubanza wabaye ku wa Kane ku maseti 3-0.

Undi mukino wabaye, wahuje UTB VC yabaye iya gatatu, yari yakiriye APR VC yabaye iya kabiri, iwutsinda ku maseti 3-0.

APR VC yari yatsinzwe umukino ubanza ku maseti 3-0, yongeye gutsindwa iseti ya mbere ifite amanota 20, itsindwa iya kabiri ifite amanota 19 mu gihe yagerageje kwihagararaho mu iseti ya nyuma, ariko na yo iyitakaza ku manota 23 (25-20, 25-19, 25-23).

Gutsinda imikino yo kuri iki Cyumweru, byatumye RRA VC na UTB VC zigera ku mukino wa nyuma muri Playoffs z’uyu mwaka mu gihe APR VC na KVC zizahatanira umwanya wa gatatu.

Umukino wa nyuma ubanza n’uw’umwanya wa gatatu yombi izakinwa tariki ya 13 Kamena mu gihe uwa kabiri uzakinwa tariki ya 16 Kamena. Mu gihe amakipe yanganya muri iyi mikino yombi, hazitabazwa uwa gatatu uteganyijwe tariki ya 19 Kamena 2019.

Mu bagabo, shampiyona yegukanywe na REG VC yatwaye igikombe cya mbere mu myaka itatu imaze mu cyiciro cya mbere nyuma yo gutsinda Gisagara VC imikino 2-1.

RRA VC irahabwa amahirwe yo kwisubiza igikombe cya shampiyona mu bagore

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza