RRA VC yatsinze IPRC Kigali VC, ikomeza kwanikira amakipe bihanganye

Yanditswe na IGIHE
Kuya 22 Werurwe 2017 saa 08:06
Yasuwe :
0 0

Shampiyona ya Volleyball mu cyiciro cy’abagore yakomeje gukinwa, Rwanda Revenue Authority yihererana IPRC Kigali iyitsinda amaseti 3-0, bituma ikomeza kuza imbere y’andi makipe bahanganiye igikombe.

Uyu mukino wabereye kuri Petit Stade i Remera ku Cyumweru, tariki ya 19 Werurwe 2017, wihariwe n’ikipe y’Ikigo cy’Igihugu gishinzwe Imisoro n’amahoro biza no kurangira itsinze IPRC Kigali, amaseti atatu ku busa idakozemo (25-14; 25-17; 25-14).

Mu mpera z’icyumweru gishize, habaye umukino umwe rukumbi kuko indi mikino ya shampiyona yasubitswe kubera harimo amakipe y’ibigo by’amashuri ari mu myiteguro y’ibizamini.

Muri iyo mikino harimo uwagombaga guhuza Ruhango VC na ST Aloys VC, APR VC na ST Joseph VC; St Joseph VC na St Aloys VC ndetse na APR VC na Ruhango VC.

RRA VC iracyayoboye n’amanota 22, ikurikiwe na APR VC ifite 17, hagakurikiraho St Aloys y’i Rwamagana n’amanota 13. Umwanya wa kane uzaho Ruhango VC ifite amanota 13 ikurikiwe ku mwanya wa gatanu na IPRC Kigali n’amanota 3 naho iri ku mwanya wa nyuma ni St Joseph itarabona inota na rimwe.

RRA VC yatsinze ikipe ya IPRC VC amaseti 3-0 mu mukino wa shampiyona uheruka
Ni umukino woroheye cyane abakinnyi b'ikipe y'Ikigo cy'Igihugu cy'Imisoro n'Amahoro
RRA VC iracyayoboye urutonde rwa shampiyona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza