RRA VC yihereranye Ruhango VC na St Joseph ikomeza kuza imbere ya APR VC

Yanditswe na IGIHE
Kuya 14 Werurwe 2017 saa 04:13
Yasuwe :
0 0

Shampiyona ya VolleyBall mu cyiciro cy’abari n’abategarugori yakomeje mu mpera z’icyumweru gishize, ikipe ya RRA VC yongera kwitwara neza itsinda Ruhango VC na St Joseph, ikomeza gushimangira umwanya wa mbere.

Mu mikino ibiri iyi Kipe y’Ikigo cy’Imisoro n’Amahoro yakiniye mu Karere ka Ruhango mu Majyepfo y’u Rwanda, kuwa Gatandatu 11 Werurwe 2017, yombi yarayitsinze ndetse ikomeza kuza ku isonga muri shampiyona.

Iyi kipe iri mu myiteguro y’irushanwa nyafurika ry’amakipe yabaye aya mbere iwayo rizabera muri Tunisia muri Mata 2017, umukino wa mbere yakinnye na Ruhango VC, yayitsinze amaseti 3-0, ndetse na St Joseph iyigerera muri ako kebo.

Mu yindi mikino yabereye mu Mujyi wa Kigali kuri Petit Stade, APR yatsinze St Aloys amaseti 3-2 mu mukino w’ishiraniro, inanyagira IPRC APR ku maseti 3-0.

Nyuma y’iyi mikino, RRA VC yakomeje kwicara ku ntebe y’icyubahiro n’amanota 19, ikurikiwe na APR VC ifite 17.

Shampiyona izakomeza mu mpera z’icyumweru, aho kuwa 19 Werurwe 2017, RRA VC izakina na IPRC Kigali, umukino uzabera muri Ecole Belge.

RRA VC yatsinze Ruhango VC na St Aloys mu mikino ya shampiyona yakiniye mu Karere ka Ruhango
RRA VC yatsinze St Aloys amaseti atatu ku busa mu buryo bworoshye
Abatoza ba RRA VC batanga amabwiriza ku bakinnyi
RRA VC iracyayoboye urutonde rwa shampiyona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244