U Rwanda rwegukanye umwanya wa kabiri n’uwa gatatu mu gikombe cya Afurika cya Beach Volleyball (Amafoto)

Yanditswe na Eric Tony Ukurikiyimfura
Kuya 28 Mata 2019 saa 09:27
Yasuwe :
0 0

Ikipe y’u Rwanda y’abagabo n’iy’abagore zari zitabiriye igikombe cya Afurika cy’umukino wa Volleyball ikinirwa ku mucanga (Beach Volleyball) muri Nigeria, zegukanye umwanya wa kabiri n’uwa gatatu ubwo iyi mikino yasozwaga kuri uyu wa Gatandatu.

Iyi mikino yatangiye ku wa Kabiri w’iki cyumweru kuri Jabi Lake Park mu Mujyi wa Abuja muri Nigeria, yarangiye amakipe ya Maroc mu bagabo na Misiri mu bagore, ari yo yegukanye irushanwa.

Ku mukino wa nyuma mu bagabo, Abicha Mohammed na Elgraoui Zouheir bo muri Maroc batsinze ikipe y’u Rwanda yari igizwe na Akumuntu Kavalo Patrick na Ntagengwa Olivier amaseti 2-0 (21-15, 21-16).

Ikipe y’u Rwanda yagerageje gukina neza, ariko Maroc ifite abakinnyi bamaze kumenyera gukina aya marushanwa mpuzamahanga ikomeza kubarusha.

Umwanya wa gatatu muri iki cyiciro, wegukanwe na Mozambique yatsinze Sierra Leone amaseti 2-0 (21-17, 21-15).

Mu cyiciro cy’abagore, igikombe cyegukanwe na Misiri yatsinze Ibirwa bya Maurice amaseti 2-0 2-0 (21-15, 21-16) mu gihe ikipe y’u Rwanda igizwe na Nzayisenga Charlotte na Mukandayisenga Benita yegukanye umwanya wa gatatu itsinze Nigeria yakiriye aya marushanwa amaseti 2-0 (21-18, 21-16).

Kavalo na Ntagengwa batsindiwe ku mukino wa nyuma
Abakinnyi b'u Rwanda n'umutoza wabo Paul Bitok bishimira imidali n'ibihembo baherewe muri iri rushanwa
Maroc, u Rwanda na Mozambique baje mu myanya itatu ya mbere mu bagabo
Misiri yatsinze u Rwanda ku mukino wa nyuma mu bagabo
Misiri yatsinze u Rwanda ku mukino wa nyuma mu bagabo
Misiri, Ibirwa bya Maurice n'u Rwanda niyo makipe atatu yitwaye neza mu bagore
Nzayisenga Charlotte na Mukandayisenga Benita begukanye umwanya wa gatatu
U Rwanda rwatsinze Nigeria rufata umwanya wa gatatu mu bagore
Umutoza w'u Rwanda Paul Bitok areba uko abakinnyi be bitwara

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza