Kunyaruka, kugarura imipira ni cyo Abarabu baturushije –Nsengiyumva

Kunyaruka, kugarura imipira ni cyo Abarabu baturushije –Nsengiyumva


Yanditswe kuya 31-01-2013 - Saa 11:51' na Imvaho Nshya

Ayo ni amagambo umutoza w’ikipe y’igihugu ya Volleyball y’abatarengeje imyaka 17, Nsengiyumva Jean Marie ubwo yagarukanaga n’ikipe ye mu Rwanda aho yari ivuye mu marushanwa nyafurika muri Algeria. Muri iryo rushanwa ikipe y’u Rwanda ikaba yarahakuye umwanya wa gatatu bityo ihita ibona itike yo kujya mu mikino y’igikombe cy’Isi.

Ikipe y’u Rwanda yakinaga n’amakipe y’Abarabu ariko ibasha gukuramo ikipe yari yakiriye imikino ya Algeria, ari bwo yanabonye umwanya wa gatatu. Perezida w’Ishyirahamwe ry’umukino wa Volleyball mu Rwanda Mutwarasibo Philbert akaba yarishimiye uburyo abakinnyi b’u Rwanda bitwaye, kuko amahanga yose atumvaga ko bakina uko bakinnye. Ati” U Rwanda rwarabatunguye kuko batiyumvishaga ko rwakina Volleyball yo mu rwego babonye.”

Ku ruhande rw’Umutoza Nsengiyumva Jean Marie kuba hari amakipe yamutsinze asanga hari ibyo ikipe yungutse batari bazi. Akaba asanga mu gikombe cy’isi ahazaba hateraniye amakipe aturutse ku migabane yose y’isi azaba afite ikipe ifite undi mukino udasanzwe. Ati ”Ubu tugiye gukora imyitozo iruta iyo twakoze mbere, kuko twabonye isomo ry’uko kwitoza igihe kirekire ari ngombwa. Ikindi ni uko abakinnyi bagomba kugira umukino unyaruka nk’uw’Abarabu kandi tugashyira ingufu mu bakinnyi. Bagomba kujya bagarura imipira uko bikwiye, kuko ubu ntabwo bakomenye. Imyitozo rero ni yo izatuma tubigeraho.”

Ni ugutegereza rero abantu bakazareba uko ikipe y’u Rwanda izaba ihagaze kandi yagize ibyo yongera mu mikino, kuko bazahura n’andi makipe akomeye atari ay’Abarabu na ubwabo batinya.

Emile Rutayisire

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO