Rwanda : U 17 yabonye itike yo kwitabira igikombe cy’Isi cya Volleyball

Rwanda : U 17 yabonye itike yo kwitabira igikombe cy’Isi cya Volleyball


Yanditswe kuya 26-01-2013 - Saa 11:47' na Vénuste Kamanzi

Ikipe y’igihugu y’umukino wa Volleyball y’abana batarengeje imyaka 17 yabonye itike yo kwitabira imikino ya nyuma y’igikombe cy’Isi izabera mu gihugu cya Mexico mu kwezi kwa Kanama 2013, nyuma yo kuza ku mwanya wa gatatu mu mikino ya Afurika yaberaga muri Algeria.

Ikipe y’igihugu y’abatarengeje imyaka 17 yabonye umwanya wa gatatu nyuma yo gutsinda umukino umwe yatsinzemo Algeria yari yakiriye iri rushanwa, amaseti atatu kuri imwe ariko ikaza na yo gutsindwa na Misiri na Tuniziya.

Ikipe y'u Rwanda ihura n'iya Algeria (Ifoto : Internet)

Iyi ntsinzi yayihaye amahirwe yo kwegukana umwanya wa gatatu nyuma ya Misiri yaje ku mwanya wa mbere nyuma yo gutsinda imikono yose, ikurikirwa na Tunisiya yatsinze imikino ibiri, Algeria yakiriye iyi mikino ariko isoje nta mukino n’umwe itsinze, bituma iza ku mwanya wa nyuma dore ko aya marushanwa yanitabiriwe n’amakipe ane gusa.

Gertrude Kubwimana, Umunyamabanga Nshingwabikorwa w’ishyirahamwe ry’umukino wa Volleyball (FRVB) wanajyanye n’iyi kipe muri Algeria yatangarije Radio 10, bishimye uburyo iyi kipe yitwaye ndetse anashimangira ko nibagaruka mu Rwanda bagiye gukomeza gukurikiranira hafi aba bakinnyi, kugira ngo barusheho kwitegura neza iki gikombe cy’Isi kugira ngo bazitware neza i Mexico.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO