Kwamamaza

Abahanzi batanu bakomeye mu ndirimbo z’Imana bagiye guhurira mu gitaramo i Kigali

Yanditswe kuya 27-10-2016 saa 09:48' na IGIHE


Umuririmbyi wamamaye i Burundi, Fortran Bigirimana agiye gukora igitaramo azahuriramo n’abahanzi bakunzwe mu ndirimbo zihimbaza Imana mu gitaramo kizabera kuri Christian Life Assembly i Nyarutarama.

Fortran Bigirimana ari mu Mujyi wa Kigali aho yiteguye gukorera igitaramo gikomeye azahuriramo n’abandi bahanzi bakunzwe mu cyiciro cy’indirimbo zihimbaza Imana Aime Uwimana, Apollinaire Habonimana, Patient Bizimana na Dudu T. Niyukuri.

Fortran Bigirimana yakunzwe mu ndirimbo zirimo ‘Nimumfashe dushime’, ‘Ni amahoro’, ‘Ntaco Nzoba’, ‘Je suis en Paix’ n’izindi. Yatangiye kuririmba nk’umwuga afite imyaka 14, yatangiye aririmba mu rurimi rw’Ikirundi aho atangiriye kujya mu mahanga ahimba no mu zindi ndimi ndetse afite album y’Igifaransa.

Yageze mu Rwanda mu minsi mike ishize, yaje kwitegura igitaramo gikomeye azakorera kuri Christian Life Assembly ( CLA ) i Nyarutarama kuwa 30 Ukwakira 2016.

Uyu muhanzi usanzwe uba mu Mujyi wa Lyon mu Bufaransa mu gihe abahanzi azafatanya na bo Patient Bizimana na Uwimana Aime baba mu Rwanda. Dudu Niyukuri w’i Burundi na we amaze iminsi atuye i Kigali kubera ibibazo by’umutekano biri i Burundi.

Fortran Bigirimana aririmba anacuranga

Umuyobozi wa Moriah Entertainement, Mashukano Eric yavuze ko iki gitaramo bagihaye izina rya ‘Ntaco Nzoba’ ndetse ko imyiteguro yacyo n’ibisabwa byose kugira ngo kibe yarangiye.

Yavuze ko amatike yatangiye gucuruzwa mbere y’uko kiba. Yagize ati “Amatike yatangiye gucuruzwa, abazicara mu myanya y’icyubahiro bazishyura ibihumbi bitanu, ayo matike ubu abayashaka barayabona yatangiye gucuruzwa hariya kuri Blues Café ruguru ya UTC.”

Patient Bizimana ategerejwe muri iki gitaramo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved