Abahataniye Miss Rwanda basangiye ifunguro rya mbere mu mwiherero (Amafoto)

Yanditswe na Munyengabe Murungi Sabin
Kuya 9 Gashyantare 2018 saa 09:45
Yasuwe :
0 0

Abakobwa bazatoranywamo Nyampinga w’u Rwanda basangiye ifunguro rya mbere ku mugoroba wo kuri uyu wa Gatanu tariki ya 9 Gashyantare 2018 mu mwiherero w’ibyumweru bibiri bari gukorera mu Mujyi wa Nyamata.

Umwiherero uri kubera kuri Golden Tulip Hotel mu Mujyi wa Nyamata, watangijwe kuri uyu wa Gatanu tariki ya 9 Gashyantare 2018.

Abakobwa bose uko ari 20 basangiye bwa mbere bari kumwe nk’abahataniye ikamba rya Nyampinga ku mugoroba wo kuri uyu wa Gatanu. Bose hamwe, buri wese afite intego yo gutsinda uhereye ku bizimini byanditse n’indi mikoro bazahabwa mu mwiherero.

Aba bakobwa bavuga ko biteguye neza kwakira amasomo n’inyigisho bazahabwa mu gihe cy’ibyumweru bibiri bazamara mu Karere ka Bugesera. Mu byo bazigishwa harimo amasomo abategura birambuye ku byerekeye kumenya umuco, ubumenyi bw’Isi, amateka y’u Rwanda, ubukungu, kwihangira imirimo, kumenya guhanga udushya n’ibindi bitandukanye.

Nta mukobwa uraye mu cyumba cya wenyine, babiri bashyizwe muri kimwe gusa bazajya bahinduranya buri munsi itatu mu rwego rwo gusuzuma imibanire yabo, ibi nabyo biri mu bizatangirwa amanota.

Abakobwa mu musangiro wa mbere mu ijoro ryo kuri uyu wa Gatanu

Mbere yo kwinjira mu mwiherero nyir’izina, buri mukobwa yambuwe telefone n’ibindi bikoresho by’ikoranabuhanga bishobora kuba byamuhuza ntakurikirane amasomo n’inyigisho zizajya zitangwa.

Abakobwa bazajya bahabwa telefone inshuro nke ndetse nabwo bazikoreshe mu buryo buzwi neza n’ababakurikirana umunsi ku munsi mu mwiherero bagiye kumaramo iminsi cumi n’ine.

Irushanwa rya Nyampinga w’u Rwanda rizasozwa ku itariki ya 24 Gashyantare 2018, ibirori bizabera muri Kigali Convention Centre.

Ifunguro ba Nyampinga bafashe ryiganjemo iriteguye gutya
Ibiryo byiganjemo imbuto ni byo abakobwa benshi bariye
Aba bakobwa bacumbitse kuri Golden Tulip i Nyamata

Amafoto: Niyonzima Moses


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza