Abazatorwamo Nyampinga w’u Rwanda basuye icyicaro gishya cya Cogebanque (Amafoto)

Yanditswe na Dusabimana Aimable
Kuya 19 Gashyantare 2018 saa 08:30
Yasuwe :
0 0

Abakobwa 20 bazatoranywamo Nyampinga w’u Rwanda basuye icyicaro gikuru gishya cya Cogebanque ari na yo muterankunga w’imena w’iri rushanwa, baganirijwe n’ubuyobozi bwayo ku ndangagaciro zikwiye kubaranga ndetse basobanuza birambuye serivisi itanga.

Iki gikorwa cyabaye kuri uyu wa Mbere, tariki ya 19 Gashyantare 2018. Aba bakobwa bazengurukijwe ibice bitandukanye bigize icyicaro gikuru cya Cogebanque cyuzuye mu Mujyi rwagati, hafi y’aho Radio Rwanda yahoze ikorera.

Mu kiganiro n’abakobwa bazatorwamo Nyampinga w’u Rwanda wa 2018, Umuyobozi Mukuru wa Cogebanque, Cherno Gaye, yababwiye ko iyi banki yugururiye amarembo ubucuruzi ndetse ikaba imwe mu ziri ku isonga ku isoko mu byiciro bitandukanye.

Yavuze ko ari ishema kuba Cogebanque ari umuterankunga w’imena mu gutegura ibikorwa byo gushaka Nyampinga w’u Rwanda ndetse yongeraho ko yiteguye gushyigikira buri wese uzayigana afite umushinga warushaho guteza imbere igihugu na we ukamuzamura.

Yagize ati "Mwakoze cyane kudusura, twishimiye kubakira mu cyicaro gishya cyacu. Nk’andi marushanwa yose, n’iri rizagira uritsinda ku musozo waryo, ariko na none isomo rimwe rikomeye mwakura mu irushanwa ni uko mwageze kure kugeza ubu, bivuze ko mwakoze uko mushoboye kugira ngo mugere aho muri uyu munsi."

Yongeyeho ati "Wakwambikwa ikamba cyangwa ntiriguhire ndatekereza ko mukwiye gushimwa ku bwo kugera kuri uru rwego muri ho, ni muri urwo rwego mfashe umwanya wo kubashimira ku bw’ibikorwa mwakoze bibagejeje aho muri uyu munsi."

Yakomeje avuga ko Cogebanque ifite intego yo kuba ikigo kiyoboye muri serivisi z’imari ndetse ikaba banki y’icyitegererezo mu guhanga udushya abantu b’ingeri zose bakayiyumvamo biturutse mu kubaha ibisubizo by’ibyo bashaka kugeraho mu mujyi ugira uti "Biroroshye kandi birashoboka."

Umuyobozi Ushinzwe Ubucuruzi muri iyi banki, Mujyambere Louis De Montfort, yavuze ko Cogebanque ishyigikiye iterambere ry’aba bakobwa ndetse yifuza gukora na bo no mu bihe biri imbere.

Yagize ati "Cogebanque imaze imyaka itera inkunga iki gikorwa cyo gutora Nyampinga w’u Rwanda kandi no muri uyu mwaka iyo gahunda iracyakomeje. Uko ibihe bizaza nyuma y’umwiherero twizeye ko namwe muzafungura konti zanyu muri Cogebanque, ntabwo ari Nyampinga w’u Rwanda wenyine bihariwe namwe muhawe ikaze."

Abakobwa bahataniye ikamba rya Nyampinga w’u Rwanda bahawe umwanya urambuye wo kubaza ibibazo bitandukanye kuri Cogebanque.

Basobanuriwe serivisi zitandukanye zirimo n’imikorere y’ikarita ya "Mastercard Prepaid Card" ihabwa uyishaka wese yaba ari umukiliya wa Cogebanque cyangwa atari we, ikamufasha kuba yahaha ahantu henshi hatandukanye ku isi bitabaye ngombwa ko agendana umurundo w’amafaranga.

Abakobwa bahataniye ikamba rya Nyampinga w’u Rwanda ku wa 9 Gashyantare 2018 bajyanywe mu mwiherero (Boot Camp) ubera kuri Golden Tulip [La Palisse] i Nyamata, aho bagiye kumara ibyumweru bibiri mu bikorwa bitandukanye, bazawuvamo haba ibirori nyamukuru bizasiga hamenyekanye Nyampinga mushya w’u Rwanda, uzatorerwa muri Kigali Convention Centre ku ya 24 Gashyantare 2018.

Mu bihembo Nyampinga azahabwa harimo imodoka nshya ya Suzuki Baleno ya miliyoni 18 Frw n’umushahara w’ibihumbi 800 by’amafaranga y’u Rwanda ku kwezi bizatangwa na Cogebanque, kumwishyurira salon akoreshamo imisatsi umwaka, kumwambika igihe cyose agiye mu marushanwa, kumwishyurira internet y’umwaka n’ibindi.

Abakobwa 20 b'ubwiza bahataniye ikamba rya Nyampinga w'u Rwanda
Abakobwa bahawe umwanya wo kubaza ibibazo bibatera amatsiko kuri Cogebanque
Bari baberewe mu myambaro y'amabara ya Cogebanque
Abayobozi batandukanye muri Cogebanque bakiriye abakobwa bahataniye ikamba rya Nyampinga w'u Rwanda ku cyicaro gikuru gishya
Batemberejwe mu byumba bikoreramo abakozi batandukanye ku cyicaro cya Cogebanque
Batemberejwe mu byumba bikoreramo abakozi batandukanye ku cyicaro cya Cogebanque
Abayobozi ba Cogebanque bahaye impanuro abahataniye ikamba rya Nyampinga w'u Rwanda
Akanyamuneza kagaragaraga ku maso y'aba bakobwa basuye icyicaro gishya cya Cogebanque
Akanyamuneza n'inseko byagaragara ku maso y'aba bakobwa
Hejuru y'icyicaro cya Cogebanque
Icyicaro gishya cya Cogebanque gifite amagorofa arindwi
Ingabire Divine, umwe mu bakobwa bahataniye ikamba rya Nyampinga w'u Rwanda
Mushambokazi Jordan asobauza zimwe muri serivisi za Cogebanque
Umuyobozi Mukuru wa Cogebanque, Cherno Gaye yabwiye aba bakobwa ko Cogebanque ishyigikiye iterambere ryabo
Umuyobozi Mukuru wa Cogebanque, Cherno Gaye
Umuyobozi Ushinzwe Ubucuruzi muri Cogebanque, Mujyambere Louis De Montfort
Umuyobozi Ushinzwe Ubucuruzi muri Cogebanque, Mujyambere Louis De Montfort_ Umuyobozi Mukuru wa Cogebanque, Cherno Gaye n'Umuyobozi wa Rwanda Inspiration Backup itegura Miss Rwanda, Ishimwe Dieudonné
Urugwiro rwari rwose ku bakora muri Cogebanque bahaye umugisha abakobwa bahataniye ikamba rya Nyampinga w'u Rwanda
Ifoto y'urwibutso ku gasongero k'icyicaro cya Cogebanque
Ifoto y'urwibutso n'ubuyobozi bukuru bwa Cogebanque

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza