Kwamamaza

Agahinda ka Nyampinga w’u Burundi waraye nzira ajya guhatanira Miss Naiades

Yanditswe kuya 16-11-2016 saa 15:28' na Munyengabe Murungi Sabin


Gahimbare Ornella wari uhagarariye u Burundi mu irushanwa mpuzamahanga ry’ubwiza rya Miss Naïades 2016 rimaze igihe rihatanirwa n’abakobwa bo mu bihugu bitandukanye bya Afurika bahuriye muri Benin yaraye mu nzira inshuro ebyiri akavuga kobyatumye atsindwa.

Ornella Gahimbare yabaye igisonga cya kabiri cya Nyampinga w’u Burundi Ingabire Ange Bernice wa 2016, yari umwe mu bakobwa 13 bahataniye Miss Naïades. Yavuye muri Benin atsinzwe ndetse nta mwanya n’umwe yatahanye, ibintu avuga ko byamubabaje ariko ko ‘bitamuciye intege zo kuzongera guhatana mu yandi marushanwa’.

Yari ahanganye n’abakobwa barimo Blandaye Stephanie(Togo), Oweseni Grace(Nigeria), Kpogbezani Lucrece(Benin), Biata Diane (Cameroun), Kankoe Aho Branda(Togo), Gahimbare Ornella (Burundi), Minkatana Michele Ange (Cameroun), Diarassouba Raissa(Cote d’Ivoire), Ankwanda Dorcas(RDC), Afua assieduwaa Akrofi(Ghana), Tchouadang Yasmine(Tchad), Kenta Awa(Guinée) na Kwizera Peace wo mu Rwanda ari na we watsinze.

Abakobwa bahataniye iri kamba bageze muri Benin kuwa 10 na 11 Ugushyingo 2016 mu gihe Ornella Gahimbare w’u Burundi yahageze habura amasaha abiri ngo irushanwa ribe. Ntiyakoranye imyitozo n’abandi ndetse avuga ko atari azi ingingo z’ibyagendeweho mu irushanwa, ibintu ‘afatanya nk’impamvu yo gutsindwa kwe’.

Mu kiganiro na IGIHE Ornella Gahimbare yavuze ko yavuye i Burundi kuwa 11 Ugushyingo ajya kurara muri Kenya kugira ngo afate indege ya Kenya Airways. Ati “Naraye muri Kenya umunsi wa mbere [...] Iwacu hariyo utubazo, hari ibintu byinshi byatumye ntinda, ingendo z’indege ntabwo zimeze neza iwacu, bikiyongeraho ko abateguye irushanwa batinze kumpa itike, biba ikibazo rero.”

Yongeraho ati “Navuga ko nabyo byatumye ntsindwa, ntabwo nari niteguye neza irushanwa, nahageze habura igihe gito ngo tujye muri sale kurushanwa, abandi bari bariteguye ariko njyewe ntabwo nigeze nkora imyitozo, ntabwo nari nzi ibintu byose abakobwa bitoje, byose nabyigiye imbere y’abafana. Ubwo nari gutsinda nte?”

Ornella Gahimbare yemeje ko Kwizera Peace yatsinze abikwiye ndetse ko byari kumugora cyane ko bahatana ikamba rigataha i Burundi. Ati “Iwacu naho hari abakobwa beza, ariko urabona ko Peace yaturushije twese, uretse no kuvuga u Burundi, ntabwo mbona uburyo bari kumwima ikamba bakariha undi. Nkigera hano nabonaga nshobora kwibona mu batsinda ariko ngira icyo kibazo [...]Peace we yarandushaga cyane, yari abikwiye.”

Abakobwa bose bagombaga kuva muri Benin kuwa 14 Ugushyingo 2016 ariko Miss Ornella Gahimbare we yasigaye muri iki gihugu kuko yari atarabona ibyangombwa bimwemerera gusohoka muri iki gihugu.

Yavuze ko mu gusubira iwabo nabwo byamusabaga kongera kurara muri Kenya bityo akaba yagezeyo kuri uyu wa 16 Ugushyingo 2016.

Miss Ornella Gahimbare ngo arateganya kugira imishinga akorana na Kwizera Peace mu Rwanda no mu Burundi nubwo imibanire y’ibihugu byombi itameze neza.

Ati “Peace twaganiriye, hari imishinga nshaka ko dukorana, nibigenda neza nindamuka nje mu Rwanda gusura abavandimwe mpafite ku Kacyiru nzavugana na we neza turebe uko twakorana.”

Ndaruhutse Kwizera Peace w’imyaka 20 y’amavuko ni we watsinze irushanwa rya Naïades. Afite uburebure bwa sentimetero 181 agapima ibiro 70. Asanzwe ari igisonga cya mbere cya Nyampinga w’u Rwanda 2016 ari nabyo byamuhesheje iturufu yo guhatanira Miss Miss Naïades.

Mu kwerekana umuco w'u Burundi, Gahimbare yabyinnye mu buryo bwa gakondo
Miss Gahimbare wahagarariye u Burundi
Miss Kwizera Peace na we yabyinnye kinyarwanda
Gahimbare Ornella[wambaye ikanzu y'ubururu] avuga ko Peace yatsinze abikwiye
Kwizera Peace yahawe ikamba rya Miss Naiades 2016
Rwandair yahembye Peace amatike y'indege

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved