00:00:00 IGIHE NETWORK KN KINYARWANDA EN ENGLISH FR FRANCAIS

Agatereranzamba mu mubano wa Kanye West na Kim Kardashian

Yanditswe na Uwiduhaye Theos
Kuya 18 Ukwakira 2021 saa 01:36
Yasuwe :
0 0

Kim Kardashian na Kanye West bahoze bakundana ndetse babana nk’umugabo n’umugore, bakomeje guteza urujijo rwo kuba barasubiranye gusa andi makuru akavuga atari byo.

TMZ yatangaje ko ifite amakuru agaragaza ko batazigera bongera kubana ndetse bageze kure ibijyanye no kurangiza gatanya baherutse kwaka mu ntangiro z’uyu mwaka.

Iki kinyamakuru cyatangaje ko bamaze kumvikana uko bazatera imirwi imitungo bari bahuriyeho.

Impapuro TMZ yabonye zigaragaza ko bombi bageze kure imirimo yo kurangiza gatanya yabo ndetse Kim Kardashian yamaze kwegukana inyubako yo muri Hidden Hills muri California bari bahuriyeho akaba ayibanamo n’abana bane yabyaranye n’uyu muhanzi.

Kim Kardashian iyi nzu yayishyuye miliyoni 20$. Aya mafaranga niyo Kanye West yari yayishuye mu 2014 ubwo yayiguraga mu gihe ubu ifite agaciro ka miliyoni 60$.

Mu minsi ishize byari byatangiye gukekwa ko aba bombi bongeye gusubirana nyuma y’igihe cyari gishize bari kugaragarizanya amarangamutima adasanzwe.

Ubwo Kim Kardashian aheruka kuyobora ibirori bya Saturday Night Live [SNL]. Ikinyamakuru Page Six cyatangaje ko gifite amakuru yizewe ko aba bombi bakomeje kugirana umubano udasanzwe ndetse cyemeza ko Kanye West ubwo bajyaga muri iki kiganiro yicaye aho yitegeye Kim Kardashian bakajya bacirana amarenga nk’abafite ibyo baziranyeho.

Aba bombi kandi bajyanye mu modoka imwe ubwo bajyaga muri SNL, ibintu byari bikomeje kwerekana ko bashobora kuba barongeye kwiyunga ariko bakaba badashaka guhita babigaragaza.

Kim Kardashian muri iki kiganiro cya SNL yavuze uyu wahoze ari umugabo we nk’umuntu w’ibihe byose kuri we ndetse yatumye abyara abana bane badasanzwe.

Mu minsi yashize aba bombi babonywe bava ahitwa Nobu Malibu aho bari basangiriye ibya nijoro bari kumwe n’uwitwa Tracy na Ray Romulus.

Nyuma yo gusangira ibya nijoro Kim Kardashian na Kanye West bagiye mu modoka imwe. Kanye West ni we watwaye imodoka ndetse na Kardashian amwicaye iruhande, abandi bari kumwe bari inyuma.

Muri Kanama, Page Six yatangaje inkuru igaragaza ko aba bombi bongeye kunga ubumwe ndetse basubiranye bucece. Iki kinyamakuru cyavuze ko hari amakuru cyakuye mu bantu ba hafi ba Kanye West avuga ko agenda abwira inshuti ze ko yongeye kunga ubumwe n’umugore we ariko benshi ntibabyizere.

Gusubirana kw’aba bombi kwatangiye gukekwa nyuma y’aho Kim Kardashian agaragaye mu birori byo kumva album nshya ya Kanye West yise ‘Donda’.

Mu ntangiriro za 2021 ni bwo urugo rwa Kanye West na Kim Kardashian rwavuzwemo urunturuntu, amakuru yashyiraga ku kuba bashobora gutandukana.

Byari nyuma y’imyaka isaga itandatu aba bombi basezeranye kubana akaramata. Muri Gashyantare uyu mwaka ni bwo Kim Kardashian yasabye gatanya ashaka gutandukana na Kanye West, undi na we areyemeza.

Bombi bafotowe bari mu modoka imwe basohokanye
Byari byaketswe ko bongeye gusubirana
Iyi nzu aba bombi babanagamo ubu isigaye ibamo Kim Kardashian n'abana be
Kim Kardashian na Kanye West batangiye ibyo gutandukana kwabo mu ntangiro za 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .