Akayabo kifashishijwe na Kim Kardashian mu guhindura umubiri we

Yanditswe na Muvunyi Arsène
Kuya 17 Gicurasi 2019 saa 07:57
Yasuwe :
0 0

Kim Kardashian wamamaye mu biganiro mpamo byo kuri televiziyo akaba ari n’umugore w’umuraperi Kanye West, ni umwe mu bantu babayeho mu buzima butangaje.

Kuri we n’umugabo we ni abantu bakize ku rwego rwo hejuru ku buryo bakoresha amafaranga mu byo benshi batatekereza.

Amaze kubyara abana bane babiri muri bo yababyaye akoresheje uburyo bwo gutwitirwa n’abandi bagore. Intanga ze n’iz’umugabo zahurijwe mu nda ibyara y’undi mugore arababyarira.

Amafaranga kandi yatumye ahindura imitekerere y’umubiri we. Ibice bimwe yabonaga ari binini yarabiganyije, ibindi arabitubura atera nk’uko we abyifuza.

Ikinyamakuru 7 Sur 7 cyaganiriye n’inzobere zitandukanye mu bijyanye n’ubwiza no kubaga imibiri bemeza ko umubiri wa Kim Kardashian uhagaze amayero ibihumbi 82 utabariyemo ikindi cyose cyaba kiwuriho nk’imyambaro, imirimbo n’ibindi.

Izuru

Dr Urso-Baiarda yavuze ko izuru rya Kim Kardashian ryakozweho inshuro ebyiri. Ngo mbere yari afite izuru rigari kandi ririho akantu kameze nk’agaturugunyu. Ibi byose byaje kuvaho atanze amayero agera ku 18,500.

Imisatsi
Inzobere mu kubaga umubiri hagamijwe kongera ubwiza Ash Dutta yavuze yaciye imitsi y’imisatsi y’uyu mugore w’icyamamare. Kuri we ngo intera iri hagati y’umusatsi n’intangiriro y’izuru yagombaga gufata 1/3 cy’isura yose. Ibi ni byo byamuhendukiye kurusha ibindi kuko yishyuye amayero 700.

Umunwa

Dr Urso-Baiarda yavuze ko umunwa wo hasi wa Kim Kardashian uruta uwo hejuru. Ngo yagiye awuhindura buhoro buhoro ku buryo worohereye cyane.

Kim ashobora kuba yaratanze amayero 2300 kugira ngo abigereho.

Isura

Inzobere mu kubaga Anthony MacQuillan akeka ko Kim Kardashian hari ibintu yongereye ku matama akanahindura urwasaya rwe. Ibi bishoboka ko yabitanzeho amayero 4600.

Amabere

Dr. Urso-Baiarda avuga ko igituza cya Kim Kardashian kikiri umwimerere ariko ko amabere yayateye inshinge kugira ngo abe manini. Ibi bitwara amayero 11600.

Ikibuno

Ikibuno cya Kim Kardashian cyabaye kigari ndetse arananuka. Ibintu byatwaye amayero 35655.

Inzobere mu bijyanye n’ubwiza Natalie Vo, avuga ko kugira ngo Kim Kardashian agire mu nda nk’aho afite ubu byakozwe hifashishijwe uburyo bwo gushongesha ibinure bitari ukwibagisha nk’uko hari ababikeka.

Afite kandi inkweto zihariye zihindura uburyo ahagaragaramo byose bikaba byaratwaye amayero 7400.

Uyu mugore yitaweho ku rwego ruhambaye kugira ngo asigasire ubwiza bwe
Kim Kardashian yongeresheje amabere ye
Kim Kardashian yongeresheje ikibuno, hanyuma mu nda arahagabanyisha akoresheje gushongesha ibinure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza