Kwamamaza

Akiwacu Colombe na bagenzi be mu myiteguro isoza Miss Supranational (Amafoto)

Yanditswe kuya 1-12-2016 saa 17:43' na Munyengabe Murungi Sabin


Akiwacu Colombe ari muri Pologne aho yitabiriye irushanwa Mpuzamahanga rya Miss Supranational umwaka wa 2016, ahagarariye u Rwanda nyuma ya Sonia Gisa agiyeyo mu mwaka wa 2015.

Miss Akiwacu Colombe na bagenzi be 70 bahataniye iri kamba bari mu myitozo ya nyuma bitegura ibirori byo gusoza Miss Supranational bigomba kuba mu ijoro ryo kuwa Gatanu tariki ya 2 Ukuboza 2016.

Aba bakobwa bageze muri Pologne nyuma y’uko bari bamaze iminsi muri Rapubulika ya Slovakia aho bakoreraga imyitozo na byinshi mu bireba irushanwa. Nyuma yo kugera muri Pologne basuye hoteli ikomeye yitwa Beskid ahari kubera umwiherero w’abasore barenga 50 bahataniye ikamba rya Mister Supranational rizasozwa kuwa Gatandatu tariki ya 3 Ukuboza 2016.

Akiwacu Colombe na bagenzi be bavuye kuri Beskid Hotel basura inzu nini y’imyidagaduro iri mu Mujyi wa Krynica-Zdrój ahagomba kubera ibirori bisoza irushanwa. Iyi nyubako bayikoreyemo imyitozo ya nyuma kugira ngo bamenye imiterere y’uko bizaba byifashe mu birori nyamukuru.

Itora ryo kuri internet rirakomeje, ubuyobozi butegura Miss Supranational bwashyize amafoto ku rubuga rwa Facebook y’irushanwa aho abarikurikiranye bari gutora umukobwa ufite ifoto nziza kurusha abandi ari nayo manota azashingirwaho mu kureba ushakwa na benshi.

Nyampinga wa Philippines Joanna Edenari aracyari imbere, ifoto ye imaze gukundwa n’abasaga ibihumbi 52, akurikiwe n’uwa Peru Silvana Vasquez Monier ufite abarenga ibihumbi 43. Akiwacu Colombe ari mu bakiri inyuma cyane kuko amaze kubona abantu batarenga igihumbi.

Akiwacu Colombe ari inyuma mu matora yo kuri internet

Ni ku nshuro ya Gatanu u Rwanda rugiye kwitabira Miss Supranational, muri 2012 hagiyeyo Uwamahoro Yvonne, Miss Mutesi Aurore[2013], Umwali Neema Larissa [2014], Gisa Sonia[2015] na Akiwacu Colombe[2016].

Abategura iri rushanwa batangaje ko ibirori bisoza irushanwa bizerekanwa kuri televiziyo mpuzamahanga mu bihugu 120 byo ku Isi.

Kanda hanougere ku ifoto ya Miss Akiwacu Colombe ukande kuri LIKE ube umwongereye amahirwe.

Akiwacu Colombe na Nyampinga wa Mauritius
Aba bakobwa bari mu myiteguro ya nyuma irushanwa rigasozwa
Akiwacu Colombe muri hoteli basuye ejo hashize
Nyampinga wa Mauritius
Miss Supranational 2015, Asha Bhat hamwe na Miss na Mister India

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved