Akiwacu yabajijwe n’akanama kahisemo 25 ba mbere muri Miss Supranational

Yanditswe na Munyengabe Murungi Sabin
Kuya 29 Ugushyingo 2016 saa 12:56
Yasuwe :
0 0

Akiwacu Colombe uhagarariye u Rwanda mu irushanwa ry’ubwiza rya Miss Supranational yabajijwe n’akanama nkemurampaka katoranyije abakobwa 25 bazabonekamo uzaba Nyampinga uyu mwaka.

Ku mugoroba wo kuri uyu wa 28 Ugushyingo 2016 nibwo akanama nkemurampaka kari kagizwe n’abantu batandatu barimo na Asha Bhat wabaye Miss Supranational umwaka wa 2014.

Miss Akiwacu Colombe yabajijwe mu cyiciro kimwe n’abakobwa barimo uhagarariye u Burusiya, Miss Scotland ndetse na Miss Singapore. Aba bakobwa bose bababazwaga ibibazo ku bumenyi rusange nyuma bakerekana umwihariko wabo buri wese mu muco we. Abakobwa 25 batoranyijwe bagomba gutangazwa kuri uyu wa Kabiri mbere y’uko basubira muri Pologne.

Miss Russia, Miss Rwanda, Miss Scotland na Miss Singapore

Icyiciro cyo kubazwa kirangiye abakobwa bakomeje imyitozo yo kwitegura ibirori nyamukuru bizaba kuwa Gatanu tariki ya 2 Ukuboza 2016 ari nabwo hazatorwa Miss Supranational 2016. Aba bakobwa bari gutozwa n’umugore wabigize umwuga mu kubyina no kwiyerekana witwa Anna Bubnowska.

Akiwacu Colombe na bagenzi be baracyacumbitse kuri hoteli Horizont Resort mu Majyaruguru ya Slovakia, bazava aha kuwa Gatatu tariki ya 30 Ugushyingo 2016 basubire mu Mujyi wa Krynica-Zdrój muri Pologne [Poland] kwitoreza mu nzu izaberamo ibirori bisoza irushanwa.

Akanama nkemurampaka
Miss France, Miss Germany, Miss Gibraltar na Miss Guadeloupe
Miss Hungary, Miss Haiti, Miss Guyana na Miss Chile
Sonia Gisa(uwa kabiri iburyo) wari uhagarariye u Rwanda muri Miss Supranational 2015 yagizwe Nyampinga wa Afurika icyo gihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244