Kwamamaza

Amafoto y’imyiteguro idasanzwe y’igitaramo cya Chris Brown i Mombasa

Yanditswe kuya 7-10-2016 saa 13:27' na Munyengabe Murungi Sabin


Umuhanzi w’ikirangirire ku Isi Christopher Maurice[Chris Brown] ategerejwe muri Kenya mu Mujyi wa Mombasa aho agomba gukorera igitaramo gikomeye azaririmbanamo na Wizkid wo muri Nigeria.

Iki gitaramo cyiswe ‘Mombasa Music Festival’ kizabera mu Mujyi wa Mombasa ahitwa Mombasa Golf Club kuri uyu wa Gatandatu tariki ya 8 Ukwakira 2016. Igitaramo Wizkid ari buhuriremo na Chris Brown gitegerejwe n’abantu ibihumbi bibarirwa mu ijana.

Umunyamakuru wa IGIHE yageze kuri Mombasa Golf Club ku nkombe z’inyanja y’Abahinde aho Chris Brown agiye kuririmbira, ni mu birometero 13,6 uvuye ku kibuga cy’indege cya Moi.

Aho igitaramo kigomba kubera umutekano wakajijwe, nta mufana wemerewe kuhinjira uretse itangazamakuru ryahawe uruhushya n’ubuyobozi bwa Mombasa Rocks yagiteguye.

Urubyiniro rwa Chris Brown batangiye kurutunganya kuwa Gatanu tariki ya 6 Ukwakira 2016, ubuyobozi bwa Mombasa Rocks bwabwiye IGIHE ko abakozi bari gukora ijoro n’amanywa ndetse ngo biteganyijwe ko imirimo ya nyuma bazayisoza mu gitondo cyo kuri uyu wa Gatandatu tariki ya 8 Ukwakira habura amasaha make ngo Chris Brown na Wizkid bakore imyitozo ya nyuma.

Itsinda rya bake mu bashinzwe kwita ku nyungu za Chris Brown na Wizkid bamaze kugera i Mombasa basuzuma niba ibintu byose biri ku murongo mbere y’uko aba bahanzi banafitanye indirimbo yitwa ‘Shabba’ baririmba.

Mu binyamakuru byo muri Kenya nta byapa bimanitse byamamaza iki gitaramo cya Chris Brown ndetse no mu binyamakuru nta byinshi bakivugaho. Iyo uganiriye n’abaturage ubabaza kuri iki gitaramo ‘bavuga ko bamaze igihe bacyiteguye ariko ko ubu bahuze bashaka amafaranga’.

Abaturage bo mu Mujyi wa Mombasa bahugiye cyane mu bikorwa by’ubucuruzi no gushaka amafaranga ku buryo wumva muri bo ‘nta mpumeko y’ibyo kujya kureba Wizkid na Chris Brown’.

Chris Brown na Wizkid baragera ku Kibuga cy’Indege cya Moi i Mombasa ahagana saa mbili z’ijoro barabanza guca mu Mujyi wa Nairobi gukorera ibiganiro kuri Citizen TV ndetse na Kiss FM.

Ubuyobozi bwa Mombasa Rocks bwatangarije IGIHE ko mu bahanzi bagomba kuririmba hiyongereyemo Navio wo muri Uganda ndetse Ali Kiba na Vanessa Mdee bo muri Tanzania.

Kwinjira muri iki gitaramo ni amashilingi ya Kenya 14,000 ku bantu babiri[agera ku bihumbi ijana mu mafaranga y’u Rwanda] mu gihe umuntu umwe mu myanya y’icyubahiro ari ukwishyura ibihumbi 30 by’amashilingi ya Kenya.

Chris Brown yateguriwe urubyiniro rwubatse ku murambararo ureshya na metero zigera ku 150

Umujyi wa Mombasa wiganjemo ibikorwa by’ubucuruzi, amabanki n’inganda; utuwe n’abaturage barenga miliyoni n’ibihumbi magana abiri. Muri iki gihe hari ubushyuhe bukomeye gusa mu masaha y’ijoro haba hakonje cyane kubera inyanja y’Abahinde bihana imbibi.

IGIHE irakomeza gukurikirana urugendo rwa Chris Brown na Wizkid mu Mujyi wa Mombasa ahategerejwe n’abandi bahanzi bakomeye muri Afurika bagomba kuza kukireba.

Uhagaze kuri Mombasa Golf Club uterera hakurya ukareba Inyanja y'Abahinde
Izi nyubako ni iza Mombasa Golf Club
Iki gice nta muntu wemerewe kucyogeramo.....
Mu masaha y'ijoro ngo amazi arazamuka akaringanira n'iri buye
Umutekano wakajijwe kuri Golf Club
Uhagaze ahagana ku mpera z'ikibuga uba witegeye neza Inyanja y'Abahinde
Igitaramo cyajyanwe hirya gato y'Umujyi wa Mombasa
Ibyuma ngo byazanywe n'amakamyo agera kuri makumyabiri
Coca-Cola iri mu baterankunga b'igitaramo
Abafana barareba igitaramo bahagaze ku nkombe z'iyi nyanja
Aha hantu haragutse cyane
Hano haraza kuba hacururizwa icyo kunywa
Abakozi ntibaryama, barakora ijoro n'amanywa
Ibyuma birangurura amajwi biracyazamurwa hirya no hino muri Golf Club
Urebeye ku gice cy'inyuma cya stage hari kuzamurwa amatara atagira umubare
Ibyuma baracyabipakurura
Ni hano imyiteguro igeze
Ibyuma bihari ni byinshi cyane
Abashoferi b'amakamyo bikinze izuba munsi y'imodoka
Umufana uri bube ahagaze inyuma ni hano ari bushinge ikirenge
Urubyiniro rwubatswe hafi y'umuhanda uva ahubatse Perezidansi ya Kenya i Mombasa
Mu mujyi abantu ni urujya n'uruza....Ya matagisi yakanyujijeho i Nyamirambo ubu agezweho i Mombasa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved