Amarenga y’urukundo hagati y’umukobwa wa Apôtre Masasu na Patient Bizimana

Yanditswe na Munyengabe Murungi Sabin
Kuya 16 Gashyantare 2018 saa 04:55
Yasuwe :
0 0

Umuririmbyi Patient Bizimana n’umukobwa witwa Deborah Uwamahoro Masasu bahanye ubutumwa kuri Saint Valentin buhishura ko bashobora kuba barashatse gukundana bikazamo kidobya.

Kuwa Gatatu tariki ya 14 Gashyantare ubwo Isi yose yizihizaga umunsi wahariwe abakundana, Patient Bizimana na Masasu Deborah bandikiranye ubutumwa busa n’ubukomoza ku rukundo bari bagiye kugirana umwe ntahita abyakira.

Patient Bizimana yanditse asaba Deborah Masasu ko yamwiyungaho bagasangira ibyishimo by’umunsi w’abakundana ndetse amubwira ko ari wenyine bityo ko amata yaba abyaye amavuta, umukobwa yahise yandika abwira uyu muhanzi ko icyifuzo cye kitakubahirizwa kuko amazi yarenze inkombe.

Patient yagize ati “Deborah Masasu na we nkwifurije umunsi mwiza wa Saint Valentin. Ngwino twishimane […] Ndi njyenyine.”

Umukobwa wa Apôtre Joshua Masasu yahaye Patient Bizimana igisubizo amubwira ko ‘yatinze kumutumira’ ndetse amwibutsa ko yigeze kumwanga bityo ko ubu yahisemo Yesu.

Yagize ati “Patient Bizimana, ntiwanyanze se? Ubu ndi kumwe n’inshuti. Waratinze cyane. Ntiwantumiye hakiri kare […] sinkiri njyenyine, ubu mfite Yezu[aya magambo yayaherekeje udutima, aka mbere kari gashinzemo icumu akandi kameze neza mu ibara ry’umuyemba].”

Deborah Uwamahoro Masasu yaciye amarenga ko Patient yamwanze

Uwamahoro Masasu Deborah, ni umukobwa wa Apôtre Joshua Masasu uyobora Itorero Evangelical Restoration Church. Ni umuvugabutumwa ukiri muto ukora umurimo w’Imana muri iri torero ahuriyemo na Patient Bizimana; abifatanya no gukora ubushabitsi binyuze muri Deborah Masasu Collection.

Patient Bizimana ni umuririmbyi akanasengera muri Restoration Church iyoborwa na se wa Uwamahoro Masasu Deborah na we ubarizwa muri iri torero.

Deborah Uwamahoro Masasu[ibumoso] n'umuryango we
Patient Bizimana na we abarizwa mu itorero Evangelical Restoration Church
Muri 2016 Apotre Masasu yahaye Patient Bizimana miliyoni amufasha nyuma yo kwibirwa mu gitaramo arenga miliyoni 11
Apotre Masasu ashyigikira cyane umuziki wa Patient Bizimana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza