Amashusho y’ubwambure: Umuburo wa Mico The Best ku bafite abakunzi baba mu mahanga

Yanditswe na Muvunyi Arsène
Kuya 1 Gicurasi 2019 saa 10:55
Yasuwe :
0 0

Mu minsi mike ishize abakinnyi babiri b’Ikipe y’Igihugu Amavubi bashyizwe ku karubanda mu mashusho yakwiye ku mbuga nkoranyambaga bambaye ubusa buriburi.

Habanje Kimenyi Yves ukinira APR FC, hakurikiraho Muhire Kevin wahoze akinira Rayon Sports.

Ni amashusho bivugwa ko ashobora kuba yarafashwe n’abo bitaga inshuti zabo z’abakobwa bavuganaga nawe mu buryo bya Skype ariko bambaye ubusa.

Ni bumwe mu buryo buharawe na benshi mu rubyiruko, ruba rushaka kwimara irari ariko abakunzi babo bakaba babari kure.

Mu kiganiro IGIHE yagiranye n’umuhanzi Mico The Best yavuze ko yanenze Kimenyi na Muhire bemeye kwifata amashusho bambaye ubusa.

Ati “Ntabwo navuga ngo ni ikintu nashimye. Hari ikintu ubona kigiye hanze ukabona giteye isoni. Ibijyanye n’imiterere y’imibiri yacu hari ingingo ziba zidakwiye kugaragazwa hanze. Iyo mbibonye binkoraho cyane nkavuga nti ‘umwana ejo nabibona azabifata ate’? numva ngo sibo bayisohoreye ariko ikintu kijyanye n’amafoto n’amashusho aho uri hose uba ugomba kucyirinda.”

Mico asanzwe afite umukunzi w’umunyamerikakazi, kuva batangira gukundana ntibaruhura amaso ku maso. Ibiganiro byabo byose babikora bifashishije guhamararana kuri telefoni, kwandikirana no guhamagarana bifashishije uburyo bw’amashusho.

Nubwo umukunzi we amuri kure, ahamya adashobora guhirahira avugana nawe yambaye ubusa cyangwa imwe mu myanya ye y’ibanga igaragara. Iyi ni nayo nama agira abandi basore bafite abakunzi babari kure.

Ati “Ifoto ni ikintu cyo kwitondera igomba kujya hanze wamaze kwemeza ko igiye hanze. N’iyo wayifata cyangwa bakayigufotora igutunguye wizere neza ko utari mu bikorwa bibi.”

Yunzemo ati “Iyo bibaye byiza abantu bagira batya bakabonana aho kugira ngo uvuge ngo ndamwereka ifoto y’ubwambure bwanjye. Niba umuntu agukumbuye aze akurebe nawe ugende umurebe bibaho si ikintu twaba duhimbye.”

Mico The Best asaba urubyiruko kudatwara n’irari ngo bizere imbuga nkoranyambaga kuko nta mutekano uhagije zifite kandi zashyira mu manga abazizeye cyane.

Uyu muhanzi uherutse gushyira hanze indirimbo yitwa Jamais, yatangaje ko mu minsi mike azasohora amashusho y’indirimbo yitwa Circle yakoranye n’umuhanzi wo muri Zambia witwa B Flow.

Mico The Best yasabye abafite abakunzi babari kure kwirinda kuboherereza amashusho y'ubwambure bwabo
Umukunzi wa Mico The Best n'ubwo batarabonana ntibashobora kuvugana batikwije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza