00:00:00 IGIHE NETWORK KN KINYARWANDA EN ENGLISH FR FRANCAIS

Bari banyotewe no kubyina! Uburyohe mu gitaramo cya Silent Disco i Kigali (Amafoto)

Yanditswe na Nsengiyumva Emmy
Kuya 18 Ukwakira 2021 saa 09:45
Yasuwe :
0 0

Abakunzi b’ibirori by’umwihariko abo mu Mujyi wa Kigali, bongeye gutarama nyuma y’umwaka n’amezi arindwi Covid-19 yaratumye ibikorwa birimo n’iby’imyidagaduro bifungwa.

Kuva Guverinoma yakomorera ibikorwa by’imyidagaduro n’ibitaramo muri rusange, abahanzi n’abashoramari muri uru rwego batangiye gutegura ibitaramo.

Decent Entertainment iyoborwa na Muyoboke Alexis ku bufatanye na Onomo Hotel ndetse n’abafite ikinyobwa cya Golden Lion Wine bateguye Silent Disco yari yakoraniyemo abahanga mu kuvanga imiziki.

Iyi Silent Disco yabaye ku wa 16 Ukwakira 2021, abayitabiriye basusurukijwe n’abarimo Dj Diallo, Dj Rugamba, Dj Kendrick, Dj Briane, Dj Junior n’abandi.

Muri ibi birori abakunzi b’umuziki bagaragaje ko bari banyotewe no kongera gutarama, bacinya umuziki kugeza saa Tanu nk’isaha yo gufunga ibikorwa by’ubucuruzi.

Mu buryo bw’amafoto IGIHE yakusanyije 40 yaranze ibi birori biri mu bikomeye byabimburiye ibindi, nyuma y’aho icyorezo cya Covid-19 gicikiye intege ingamba zo kucyirinda zikoroshywamo gake.

Ni igitaramo cyarangiye abantu ubona badashize ipfa ndetse saa Sita nk’isaha yo kugera mu rugo zarinze zigera hakiri abaseta ibirenge hafi y’iyi hotel yari yabyakiriye kuko batifuzaga kuyiva iruhande.

Umuziki wari ukumbuwe
Umuziki wo muri Silent Disco uwutangira wicaye ukagenda ukwihagurukiriza gahoro gahoro
Buri wese aba yumva umuziki we akawubyina ukwe
Silent Disco ni ibirori bizwiho kutabura abafana
No kubyinana birashoboka muri Silent Disco
Iyo mubihisemo, uwo mwazanye muhuza umu Dj ubundi mukabyina umuziki umwe
Abashinzwe kwamamaza Golden Lion Wine bahafashe agafoto k'urwibutso
Aba Djs baba bari ahitegeye buri wese
Akazi bagashyize ku ruhande babanza kwicinyira akadiho
Buri wese aba abyina ibyo ashoboye
DJ Rugamba ari kuvanga imiziki
Umuziki warabyinwe karahava
Umutoni Witness, Igisonga cya kabiri cya Miss Rwanda 2021 yari mu bitabiriye iki gitaramo
Bafashe agafoto k'urwibutso kuri Miss Umutoni Witness
Ahagombaga kubera ibirori hari hakubise huzuye
Kubona aho ukandagira byari ikibazo cy'ingutu
Silent Disco ni ibirori bigezweho mu rubyiruko
Ibi birori byabereye ku ibaraza ryegeranye n'ubwogero rusange bwa ONOMO Hotel
Icyo kunywa cyari giteguye ku bwinshi
Ari kwifata agafoto k'urwibutso
Wa mugani wa wamuhanzi koko "Umuziki uraryoha!"
Bari banyotewe no kubyina umuziki

Amafoto: Yuhi Augustin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .