Kwamamaza

Buravan na Bumuntu bahawe buruse kubera ubuhanga mu muziki

Yanditswe kuya 2-12-2016 saa 08:15' na Hagengimana Philbert


Kaminuza ya Mahatma Gandhi yahaye Buruse abahanzi bakizamuka Dushime Burabyo Yvan [Buravan] na Andy Bumuntu nk’ingororano y’impano zabo.

Umuyobozi wungirije ushinzwe amasomo, Dr Vince Sinining muri Kaminuza yatangaje ko izo buruse Andy Bumuntu na Buravan bahawe ari gahunda idasanzwe igamije gufasha Abanyarwanda kuzamura urwego rw’amashuri, hibanzwe cyane ku bakiri bato bafite impano bakeneye kurangiza amashuri ya kaminuza.

Andy Bumuntu yatangarije IGIHE ko buruse yahawe ari ingororano y’ibyo yakoze, ariko kandi ngo ni no kumubwira ngo “ufite aho ugeze, ngaho komereza aho.”

Yakomeje agira ati “Nahawe buruse yo kwemererwa kwiga muri Mahatma Gandhi, uyu ukaba undi mugisha nongerewe kuko uburezi butandukanye n’umuziki ariko iyo ubihuje bibyara ikintu gifite imbaraga kurushaho.”

Andy bumuntu na Yvan Buravan bemerewe kwiga muri Mahatma Gandhi ku buntu guhera mu mwaka utaha w’amashuri, kugeza basoje icyiciro cya kabiri cya kaminuza.

Andy Bumuntu ni umuvandimwe wa Umutare Gaby, akaba akiri mushya mu buhanzi dore ko amaze gukora indirimbo imwe gusa yise ‘Ndashaje’, ikaba ari imwe mu zikunzwe kumenyekana cyane mu Rwanda kubera umwihariko w’ijwi by’uwo musore ufite umwihariko wo kuba ari umuhanzi nyarwanda ukora injyana ya (Blues traditionnel), ikundwa n’abazi umuziki cyane.

Mu ntangiriro z’uyu mwaka ni bwo mu maradiyo yo mu Rwanda hatangiye kumvikana cyane impano nshya mu muziki, icyo gihe akaba yari umwe mu bari batangiye ubuhanzi vuba kandi afite ijwi ryihariye ryumvikanamo ubuhanga mu miririmbire n’imyandikire y’amagambo aryohera benshi mu bakunda injyana ya RnB.

Buravan ubwo yashyikirizwaga ishimwe yagenewe

Uretse abo bahanzi, Umuyobozi w’icyubahiro akaba ari na we washinze kaminuza za Mahatma Gandhi, Dr. Rajan Chopra yanashyizeho ibihembo bigenewe abandi batandukanye kimwe n’ibigo cyagwa imiryango, bose bahuriye ku kuba bakora iyo bwabaga ngo batange umusanzu mu burezi, muri serivisi z’amabanki n’itangazamakuru.

Andy Bumuntu yahawe buruse kubera ubuhanga afite mu muziki
Jules Sentore na Buravan

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved