Charly na Nina bahawe ibindi bihembo bibiri muri Uganda

Yanditswe na Munyengabe Murungi Sabin
Kuya 12 Nzeri 2017 saa 08:45
Yasuwe :
2 0

Itsinda ry’abakobwa bamaze kwigarurira imitima y’abakunda umuziki mu Rwanda no mu Karere, Charly na Nina bahawe ibihembo bibiri bikomeye mu byitwa Uganda Entertainment Awards.

Charly na Nina bahawe ibi bihembo nyuma y’uko muri Gashyantare 2017 nabwo bahawe igihembo gikomeye mu byitwa HiPipo Music Awards babikesha ‘Indoro’ baririmbanye na Big Farious wo mu Burundi.

Ibihembo bya Uganda Entertainment Awards byatanzwe mu ijoro ryo kuwa Gatandatu tariki ya 9 Nzeri 2017 mu birori byabereye muri Kampala Serena Hotel. Ibi birori byitabiriwe n’abahanzi bakomeye muri Uganda no mu karere.

Aba bakobwa bahawe igihembo cy’indirimbo y’umwaka kubera indirimbo yitwa "Owooma" bahuriyemo na Geosteady uri mu bagezweho muri Uganda. Iyi yari ihatanye mu cyiciro kimwe na "Munakampala" ya Ykee Benda, "Smart wire" ya Vampino, "Dangerous" ya Ceaserous, "Kwasa" ya na "Emotoka" y’uwitwa Lil Pazzo.

Charly na mugenzi we Nina kandi bahawe igihembo cy’indirimbo y’umwaka yahuriweho n’abahanzi batandukanye ‘Best Collabolation’ nabwo kubera ‘Owooma’, muri iki cyiciro nimwo iyitwa "Body" ya Jody Phibi na Rabadaba yari yatoranyijwe ariko ntiyatsinze.

Eddy Kenzo wo muri Uganda ni we wegukanye ibihembo byinshi kandi bikomeye, yabaye umuhanzi w’umwaka, aba uwahize abandi mu cyiciro cy’abagabo, ahabwa icy’indirimbo ifite amashusho meza.

Charly na mugenzi we Nina bahawe ibihembo bibiri muri Uganda Entertainment Awards

Umuhanzi wese wahawe igihembo muri Uganda Entertainment Awards azanagenerwa ibahasha irimo miliyoni ebyiri z’amashilingi nk’uko byatangajwe n’ubuyobozi butegura iki gikorwa.

Charly uririmbana na Nina
Nina mugenzi wa Charly
Charly &Nina baherukaga guhabwa igihembo cy'indirimbo y'umwaka mu zakozwe n'Abanyarwanda muri HiPipo Music Awards babikesha ‘Indoro’

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza