Dr Claude, Sat-B na Kidum bari barahunze basubiye i Burundi

Yanditswe na Munyengabe Murungi Sabin
Kuya 31 Ukuboza 2016 saa 11:16
Yasuwe :
0 0

Nyuma y’umwaka n’igice mu Burundi habaye imvururu n’imyivumbagatanyo yakuruwe n’amatora y’umukuru w’igihugu yabaye muri Gicurasi 2015, abaririmbyi bakomeye batandukanye batangiye guhunguka.

Ku gacamunsi cyo kuri uyu wa Kane tariki 29 Ukuboza 2016, umuhanzi w’Umurundi Bizimana Aboubakar Karume [Sat-B] wari umaze igihe akorera umuziki mu Rwanda, yerekeje mu Burundi ku ivuko kuhamurikira album yise ’Iwacu’ ibumbiyeho indirimbo 15 ziganjemo izo yakoreye i Kigali.

Sat-B yerekeje mu Burundi avuye mu Mujyi wa Kampala aho yari yagiye gukorera igitaramo cyo kumurika album avuye i Kigali.

Umuvugizi wa Polisi y’u Burundi, Pierre Nkurikiye abinyujije ku rubuga rwa Twitter yavuze ko urugendo rw’uyu muhanzi uje ahasanga abandi barimo Kidum na mugenzi we Dr. Claude ari ’ikimenyetso cy’uko mu Burundi hongeye kuboneka umutekano’.

Kidum na Dr. Claude basanzwe baba i Nairobi nabo bamaze iminsi i Burundi, bahafite gahunda zitandukanye zirimo n’izo kuhakorera ibitaramo biherekeza umwaka wa 2016 n’ibitangiza uwa 2017.

Iyamuremye Jean Claude benshi bamenye nka Dr. Claude mu ndirimbo zirimo iyitwa ’Contre Succès’, ’Igikara’, ’Akabaju’ n’izindi ni we wabimburiye abandi kugera mu Burundi, yahageze ku mugoroba wo ku wa 26 Ukuboza 2016 akurikirwa na Kidum wahageze akererewe ku bw’ihindagurika rya gahunda y’indege yagombaga kumutwara.

Kidum na Dr. Claude bahise bakorana igitaramo cya mbere mu ijoro ryo ku wa Gatatu ahitwa Gitega. No mu ijoro ryo kuri uyu wa Gatanu tariki ya 31 Ukuboza 2016 Kidum yakoreye ikindi gitaramo kinini mu gace ka Ngozi.

Sat B ubwo yasubiraga i Burundi nyuma y'umwaka urenga atahakandagira
Kidum yakoreye igitaramo i Ngozi mu ijoro ryo kuri uyu wa Gatanu
Kidum imbere y'abakunzi ba muzika mu Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244