Fortran yaje mu Rwanda kuhakorera igitaramo gikomeye

Yanditswe na Munyengabe Murungi Sabin
Kuya 13 Ukwakira 2016 saa 11:03
Yasuwe : XX
0

Umuririmbyi wamamaye i Burundi, Fortran Bigirimana ari mu Mujyi wa Kigali aho yiteguye gukorera igitaramo gikomeye azahuriramo n’abandi bahanzi bakunzwe mu cyiciro cy’indirimbo zihimbaza Imana.

Fortran Bigirimana yakunzwe mu ndirimbo zirimo ‘Nimumfashe dushime’, ‘Ni amahoro’, ‘Ntaco Nzoba’, ‘Je suis en Paix’ n’izindi. Yatangiye kuririmba nk’umwuga afite imyaka 14, yatangiye aririmba mu rurimi rw’Ikirundi aho atangiriye kujya mu mahanga ahimba no mu zindi ndimi ndetse afite album y’Igifaransa.

Yageze mu Rwanda mu mpera z’icyumweru gishize, yaje kwitegura igitaramo gikomeye azakorera kuri Christian Life Assambly ( CLA ) i Nyarutarama kuwa 30 Ukwakira 2016.

Uyu muhanzi usanzwe uba mu Mujyi wa Lyon mu Bufaransa azaririmbana n’abahanzi bakomeye barimo Aime Uwimana , Apollinaire Habonimana, Patient Bizimana na Dudu T. Niyukuri.

Umuyobozi wa Moriah Entertainement, Mashukano Eric yavuze ko iki gitaramo bagihaye izina rya ‘Ntaco Nzoba’ ndetse ko imyiteguro yacyo n’ibisabwa byose kugira ngo kibe igeze kure.

Fortran yaje mu Rwanda bwa mbere mu mwaka wa 2008, icyo gihe yari yatumiwe na Aline Gahongayire mu gitaramo gikomeye yari yateguye icyo gihe.

Yagiye atumirwa mu bindi bitaramo birimo icya Patient Bizimana, Dominic Nic n’amatorero atandukanye mu Rwanda. Yaririmbiye mu bindi bihugu by’u Burayi ndetse na Afurika muri Uganda, Kenya, Congo Kinshasa ,Senegal n’ahandi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE