Kwamamaza

Gaël Faye ashobora kubona igihembo kiruta ibindi mu Isi y’abavuga Igifaransa

Yanditswe kuya 3-11-2016 saa 11:29' na Munyengabe Murungi Sabin


Gaël Faye, umuraperi w’Umunyarwanda ufite inkomoko mu Bufaransa amaze igihe gito asohoye igitabo cya mbere yise ‘Petit Pays’ ubu kiri mu bikunzwe cyane ku Mugabane w’u Burayi by’umwihariko mu bihugu bivuga Igifaransa.

Umuraperi Gaël Faye aherutse gutoranywa mu banditsi batatu bakomeye muri Afurika bagomba gutoranywamo uhabwa igihembo gikuru cya Prix Goncourt mu gice cy’Isi cy’abavuga ururimi rw’Igifaransa.

Prix Goncourt ni kimwe mu bihembo bikomeye kandi bifite amateka yihariye, gitangirwa mu Bufaransa ku mwanditsi mwiza wa Roman kuva mu 1903.

Kuwa 6 Nzeri 2016, inteko y’abahanga batoranya ibitabo bihabwa igihembo cya Prix Goncourt yatoranyije ibitabo bitatu byanditswe n’Abanyafurika bizatoranywamo igihembo uyu mwaka.

Yari mu cyiciro kimwe n’Abanyafurika barimo Leïla Slimani [wanditse igitabo cyitwa “Chanson Douce”], ni Umunya-Maroc ukomoka mu Bufaransa naho undi kitwa Natacha Appanah.

Gaël Faye ubu ari mu banditsi bane bakomeye bageze mu cyiciro cya nyuma bahabwa amahirwe yo gutwara iki gihembo gitangwa kuri uyu wa Kane tariki ya 3 Ugushyingo 2016.

Ikinyamakuru La Presse cyatangaje ko abagore bahabwa amahirwe cyane ni Leïla Slimani wo muri Maroc na Catherine Cusset wo mu Bufaransa.

Mu bagabo harimo Gaël Faye ukomoka mu Rwanda ndetse na Régis Jauffret wo mu Bufaransa. Abasesenguzi b’inyandiko z’Igifaransa bagera kuri 14 bagiye bagaragaza abanditsi bahabwa amahirwe muri ibi bihembo, Gaël Faye ari mu ba mbere bashobora gutsinda bidatunguranye.

Igitabo cya Gaël Faye cyari giherutse guhabwa ikindi gihembo gikomeye yagenewe n’isomero rikomeye rya Fnac rinacuruza ibitabo kuri internet. Yahembye Gaël Faye nk’umwanditsi mwiza w’umwaka mu cyiciro cy’abanditse ibitabo byo mu bwoko bwa Roman. ‘Petit Pays’ cyatoranyijwe mu bitabo 650 byitabiriye irushanwa uyu mwaka.

Incamake y’igitabo cya Gaël Faye

“Petit Pays”, ni igitabo cya mbere Gaël Faye yanditse. Ni igitabo kivuga ku buzima bwe kuva mu bwana, anagaruka cyane ku ruhurirane rw’ibibazo abana bagize mu gihe cya Jenoside yakorewe Abatutsi mu Rwanda mu 1994.

Yivugaho ubwe, akanavuga ubuzima bwa ‘Gabriel’ [umwana wo mu kigero cye]. Inkuru iri muri iki gitabo igaruka cyane ku bibazo bari bahuriyeho bombi, Gaël Faye yahungiye mu Bufaransa naho mugenzi we Gabriel ahungira mu Burundi.

Iki gitabo kivuga mu buryo bwimbitse ibibazo abana bagize bahunga mu gihe cya Jenoside yakorewe Abatutsi ndetse yigarukaho cyane. Gaël Faye kandi avuga ku buhanzi bwe, inzira ye nk’umuririmbyi, uko yakoze album ‘Pili Pili sur un croissant au beurre’ yasohotse mu 2013.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved