Harmonize uherutse kwiyomora kuri Diamond Platnumz, yatangije inzu ifasha abahanzi

Yanditswe na Uwiduhaye Theos
Kuya 10 Ukwakira 2019 saa 03:02
Yasuwe :
0 0

Umunya-Tanzania Rajab Abdul Kahali [Harmonize] unakunda kwiyita Konde Boy uri mu bahanzi bafite izina rikomeye muri Afurika, wahoze abarizwa muri Wasafi ya Diamond Platnumz yatangije ku mugaragaro inzu ifasha abahanzi.

Uyu muhanzi iyi nzu ye ifasha abahanzi nshya yayise ‘Konde Boy Worldwide’.

Mu butumwa yacishije ku rukuta rwe rwa Instagram, yagaragaje ko yishimiye cyane kuba yatangije iyi nzu yari imaze iminsi ivugwa ariko abantu bashidikanya ku izina ryayo.

Ati “ Ni byiza. Muhawe ikaze mu nzu yanjye ifasha abahanzi Konde Boy Worldwide.”

Kuva Harmonize yava muri Wasafi yari yarasinyemo amasezerano y’imyaka 15, hahise hasa nk’aho havutse amahari hagati ye na Diamond Platnumz uyikuriye ndetse binashimangirwa no kuba uyu muhanzi aherutse gukora ubukwe ntihagiye abo muri Wasafi bahagera kandi ngo yari yarabatumiye.

Diamond ubwo aheruka mu Rwanda, bihwihwiswa ko Harmonize ashaka kubiyomoraho yabajijwe iby’izi nkuru avuga ko we atazizi. Kuva uyu muhanzi yava mu nzu ya Wasafi, Diamond Platnumz nta kintu na kimwe aramuvugaho.

Harmonize ategerejwe mu Rwanda mu rwego rwo gushaka uko yarushaho gukorana n’itangazamakuru ryo mu Rwanda no kwamamaza ibihangano bye.

Mu 2015 nibwo Harmonize yahuye na Diamond amusinyisha muri WCB Wasafi Records, kuva icyo gihe yagiye akora indirimbo zakunzwe bikomeye harimo iyitwa "Aiyola", “Kwangwaru” na “Bado” yafatanyije na Diamond, "Show Me" yakoranye na Rick Mavoko nawe bahoranye muri iyi nzu akaza kuyivamo, “Kainama” bahuriyemo na Burna Boy n’izindi.

Harmonize ategerejwe mu Rwanda mu rwego rwo gushaka uko yarushaho gukorana n’itangazamakuru ryo mu Rwanda no kwamamaza ibihangano bye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza