Kwamamaza

I Rubavu hagiye kuba irushanwa rishakisha abahanzi bafite impano

Yanditswe kuya 29-11-2016 saa 15:41' na IGIHE


Ku nshuro ya mbere mu Karere ka Rubavu mu Ntara y’Uburengerazuba hateguwe irushanwa rigenewe abahanzi bahakomoka bafite impano ariko babuze ubushobozi bwo gutangira umuziki.

Iri rushanwa ryo gushakisha abahanzi bafite impano ryateguwe n’ihuriro ry’abateza imbere umuziki n’imyidagaduro mu Mujyi wa Rubavu ryitwa ‘Easy and Possible’ usanzwe ukorera mu Karere ka Rubavu. Ubuyobozi bwaryo buvuga ko ikigamijwe ari uguteza imbere impano nshya no kurushaho kumenyekanisha abahanzi bakomoka muri aka gace.

Umuyobozi wa Easy&Possible, Niyigena Sano François yavuze ko iri rushanwa rizabera mu mirenge cumi n’ibiri igize Akarere ka Rubavu guhera tariki ya 18 Ukuboza 2016 kugeza kuwa 29 Mutarama 2017.

Yagize ati “Irushanwa rizaca mu mirenge yose igize Akarere ka Rubavu, ryateguwe na Easy and Possible, rigamije gutahura impano nshya ziri mu rubyiruko rwo mu karere ka Rubavu. Aya marushanwa azabera mu mirenge 12 igize akarere, tukazajya duhuza imirenge ibiri, ubwo bikaba ni ibitaramo bitandatu ukongeraho n’icya nyuma cya finale.”

Yongeyeho ko muri ibi bitaramo bazakoresha mu bice by’icyaro mu Karere ka Rubavu bazifashisha abahanzi bamaze kumenyekana mu gihugu mu kurushaho gususurutsa abakunzi b’umuziki.

Ati “Hazaba harimo n’abahanzi batandukanye bafite izina mu muziki nyarwanda. Mu majonjora tuzajya dufata umuntu umwe muri buri murenge noneho ku musozo bose uko ari cumi na babiri 12 bazahure hanyuma duhitemo batatu ba mbere.”

Abahanzi batatu ba mbere bazahiga abandi mu mpano mu muziki, bazahabwa ibihembo bikomeye birimo gusinyana amasezerano y’imikoranire n’inzu itunganya umuziki ya Easy&Possible, mudasobwa n’ibindi bitandukanye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved