Ibitegereje abizihiriza Saint Valentin kuri Kigali Convention Centre mu gitaramo cy’ubuntu

Yanditswe na Dusabimana Aimable
Kuya 14 Gashyantare 2018 saa 11:35
Yasuwe :
0 0

Umugoroba w’agahebuzo ku bakundanye utegereje abizihiriza umubano wabo kuri Radisson Blu & Convention Centre Kigali mu gitaramo cy’uburyohe cyakomatanyijwe no kwerekana imikino ikomeye ihuza amakipe yabaye aya mbere mu bihugu ku mugabane w’u Burayi, UEFA Champions League.

Umunsi wa Saint Valentin wizihizwa n’abakundanye mu buryo butandukanye ariko bikarushaho guhebuza iyo ukundwa akunzwe n’uwo umutima we wihebeye bawizihije mu buryo bubasigira urwibutso rudasibangana mu rugendo rwabo.

Mu bitaramo biteganyijwe ku mugoroba w’ijoro ry’abakundanye harimo icy’umwihariko cyateguwe na Rwanda Events gitegerejwe kuri Piazza Terrace ya Radisson Blu Hotel & Convention Centre Kigali mu ijoro ryo kuri uyu wa Gatatu tariki 14 Gashyantare 2018.

Ni igitaramo cy’umuziki ukomatanyijwe no kwerekana imikino ikomeye irimo utegerejwe na benshi uhuza Paris St Germain na Real Madrid ifite igikombe cya Champions League mu myaka ibiri iheruka

Undi mukino uri bwerekanwe ni uhuza FC Porto na Liverpool. Iyi yombi iratangira saa 21:45 ku isaha y’i Kigali.

Kwinjira ni ubuntu ku bizihiriza urukundo muri iki gitaramo gisusurutswa n’umuhanga mu kuvanga umuziki Dj Miller mu cyiswe “Music Therapy” ndetse abitabira uyu mugoroba baracurangirwa indirimbo za Salsa. Amafunguro n’ibyo kunywa birimo Heineken byagabanyirijwe ibiciro.

Rwanda Events yateguye uyu mugoroba ni ikigo gitegura inama zikomeye mu gihugu, mu bijyanye n’imyidagaduro imaze gutegura ibitaramo bikomeye birimo icyatangije uyu mwaka cya Yemi Alade na Sauti Sol ndetse n’icyatumiwemo Mr Eazi cyabaye muri Nyakanga 2017 hizihizwa Umunsi wo Kwibohora.

Abizihiriza Saint Valentin kuri Piazza Terrace hejuru ya Kigali Convention Centre barakurikira imikino ikomeye ya Champions League
Abitabira igitaramo barasusurutswa na Dj Miller
Abizihiriza Saint Valentin kuri Kigali Convention Centre barataramirwa ku buntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza