Idris Elba wagizwe umugabo wa mbere ukurura abagore, yakoreye ubukwe muri Afurika

Yanditswe na Muvunyi Arsène
Kuya 27 Mata 2019 saa 05:55
Yasuwe :
0 0

Idris Elba wemejwe nk’umugabo ukurura abagore kurusha abandi ku Isi, yakozwe ubukwe na Sabrina Dhowre, bari bamaze imyaka ibiri bakundana.

Aba basezeraniye muri hoteli ihenze yitwa Ksar Char Bagh iri mu mujyi wa Marrakesh muri Maroc, nk’uko bitangazwa n’ikinyamakuru British Vogue.

Mbere yo gusezerana Elba na Dhowre bari bakoresheje ijoro ryo gusangira n’inshuti, umuhango wabereye muri hoteli Amanjena ku wa Kane.

Umwe mu bitabiriye ibi birori yabwiye ikinyamakuru People ko byari biryoheye ijisho dore ko byarimo ingamiya n’imbyino zihebuje.

Biteganyijwe ko kuri uyu wa Gatandatu ibirori bikomeza, aho inshuti n’abavandimwe ba hafi baza kubyitabira baba bambaye imyenda y’urwererane gusa.

Dhowre yakoze ibirori byo gusezera ku bakobwa muri Werurwe aho yari kumwe n’abakobwa b’inshuti ze muri hoteli yitwa Amangiri. Hari nyuma y’aho Idris Elba amwambitse impeta ishimangira ko bazabana muri Gashyantare.

Idris Elba w’imyaka 46 yahuye na Dhowre mu 2017 ubwo yakoraga filime yitwa Mountain Between Us muri Canada.

Elba n’umufasha we bagaragaye bwa mbere mu ruhame mu gikorwa cyo kwerekana filime yitwa Molly’s Game, mu iserukiramuco mpuzamahanga rya filime rya Toronto.

Sabrina Dhowre agiye kuba mukase w’abana babiri ba Elba, harimo umukobwa w’imyaka 16 yabyaranye n’umugore we wa mbere Hanne ’Kim’ Norgaard, bashakanye mu 1999 bagatandukana muri 2003. Hari n’undi muhungu w’imyaka ine yabyaranye n’uwitwa Naiyana Garth.

Muri 2006 yashakanye na Sonya Nicole Hamlin bahise batandukana muri uwo mwaka.

Sabrina Dhowre w’imyaka 29 ni umunyamideli, akaba n’umukinnyi wa filime. Ni umunyamerikazi ufite inkomoka muri Somalia, akaba yaranabaye Miss Vancouver 2014.

Idris Elba ni Umwongereza yakinnye filime zirimo The Wire, Luther, The Office n’izindi. Ni umuririmbyi, atunganya indirimbo akanavanga imiziki ndetse ni n’umushyushyarugamba ukomeye (MC).

Idris Elba nawe yarebaga umugore we akamwenyura
Sabrina yegukanye umugabo ukurura abagore kurusha abandi ku Isi
Bamaze gusezerana barahoberana
Idris Elba na Sabrina bari mu byishimo bidasanzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza