Kwamamaza

Igisubizo cya Miss Mutesi Jolly ku bamushinja kwitukuza

Yanditswe kuya 25-11-2016 saa 09:35' na Munyengabe Murungi Sabin


Mutesi Jolly ntavuga rumwe n’abamushinja kuba yaritabaje abahanga mu kongera ubwiza bw’uruhu nyuma yo kwambikwa ikamba rya Nyampinga w’u Rwanda, ababimuhamya ngo bafite impamvu zabo zihabanye n’ukuri kuzwi.

Nubwo hari amagambo akomeje gucicikana haba ku mbuga nkoranyambaga no mu bitangazamakuru bitandukanye ko Miss Mutesi Jolly yitukuje ndetse asigaye yisiga amavuta yatumye uruhu rwe ruhindura isura, we avuga ko buri wese mu bamureba afite igisubizo cye.

Nyampinga w’u Rwanda yabajijwe ibijyanye no kwituza ashinjwa kuri uyu wa 24 Ugushyingo 2016 ubwo yari mu kiganiro n’abanyamakuru avuga ku rugendo rukomeye agiye kujyamo i Washington mu irushanwa ry’ubwiza rya Miss World.

Mutesi Jolly yatanze igisubizo cyumvikanamo kutishima n’imvugo igaragaza ko ‘kubimubaza byamukomerekeje’. Yanze kugira byinshi abisobanuraho gusa avuga ko ‘abasakaza ayo makuru n’abareba amafoto ye bakanzura ko yitukuje baca urubanza bagendeye ku myumvire yabo bwite’.

Yagize ati “Ku kindi kibazo yari ambajije kuvuga ku kwisiga, wowe ubwawe ufite igisubizo, urambajije ngo ‘nkeka ko atari ubusembwa kuri Miss Rwanda?’ kuko uwabikoze ni umuntu umwe ku giti cye.”

Yongeraho ati “N’ureba agira uko afata umwanzuro we nk’uko undi muntu aca urubanza ukwe […] Ibyo byose ni imyumvire ya buri wese, ibyo ni imyumvire ntacyo nabikoraho.”

Iby’uko Miss Mutesi Jolly yaba yarakoresheje amavuta yitwa ‘umukorogo’ ashakisha ubwiza bw’inyongera ku ruhu rwe byatangiye kuvugwa cyane akimara gutorwa nka Nyampinga w’u Rwanda. Abagiye bamushinja ibi ahanini ‘bavugaga ko inzobe ye yagiye ihinduka kurushaho nyamara akiri muri King David aho yize amashuri yisumbuye ngo yari umuyumbu’.

Miss Mutesi Jolly arerekeza i Washington kuri uyu wa Gatanu tariki ya 25 Ugushyingo 2016, irushanwa rizamuhuza n’abakobwa bagera ku 120, rizasozwa 20 Ukuboza 2016 ari nabwo azagaruka mu Rwanda.

Abamureba bavuga ko yisize ’mukorogo’ ariko we arabyamagana

Mutesi Jolly acyinjira mu bahataniye Miss Rwanda 2016
Ubwo yari mu irushanwa hataramenyekana Nyampinga w'u Rwanda
Mbere gato y'uko atorerwa kuba Miss Rwanda 2016
Umunsi yambitswe ikamba
Mutesi Jolly na nyina
Umunsi wa kabiri nyuma yo gutorwa kwe
Jolly yavuze ko abamushinja kwitukuza baca imanza uko bashaka
Ifoto yafotowe kuri uyu wa Kane tariki ya 24 Ugushyingo 2016

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved