Ihangana ridasanzwe mu matora ya nyuma y’ubutumwa bugufi muri Miss Rwanda

Yanditswe na Muvunyi Arsène
Kuya 24 Mutarama 2019 saa 04:42
Yasuwe :
0 0

Kuri uyu wa Kane i saa kumi n’ebyiri z’umugoroba nibwo hafungwa amatora anyuze mu butumwa bugufi, SMS, bikarangirana n’igikorwa cyo gusezerera abakobwa batabashije kubona amahirwe yo gukomeza mu irushanwa rya Nyampinga w’u Rwanda mu 2019.

Amatora anyuze mu butumwa bugufi yatangiye ku wa Gatandatu w’icyumweru gishize i saa kumi n’ebyiri z’umugoroba asozwa i saa mbili z’umunsi wakurikiyemo bahita banasezerera Higiro Joally.

Mu rutonde rw’amanota yo kuri SMS, Mwiseneza Josiane yari imbere na 35 114, Bayera Nisha Keza amukurikira na 14 527, Uwicyeza Pamella afite 12 467, Gaju Anitha afite 11 793 na Mutoni Olive wari ufite 9 587.

Ku munsi wa kabiri ubwo hasezererwaga Igihozi Darine, urutonde rw’amanota yo kuri SMS rwari ruyobowe na Mwiseneza Josiane wari ufite 18 394 , Bayera Nisha Keza amukurikira na 10 471, Niyonsaba Josiane afite 10 033, Mutoni Oliver wari ufite 9 919 na Uwicyeza Pamella ufite 9 237.

Ku munsi wa gatatu hasezerewe Umurungi Sandrine amajwi y’abatoye kuri SMS akomeza kuyoborwa na Mwiseneza Josiane wagize 21 937, Uwicyeza Pamella wagize 18 930, Niyonsaba Josiane wagize 18 021, Mutoni Oliver wagize 17 969 na Mugabo Teta Ange Nicole wagize 17 679.

Ku munsi wa kane Tuyishimire Cyiza Vanessa yaratashye, ku majwi yo muri SMS hakomeza Mwiseneza Josiane wagize 31 571, Bayera Nisha Keza 28 460, Uwicyeza Pamella afite 18 276, Niyonsaba Josiane wagize 17 518 na Mutoni Oliver wagize 17 473.

Kuri ubu mu mwiherero hasigayemo abakobwa 16 barimo batanu batambukijwe n’amajwi n’abandi 10 batowe n’Akanama Nkempurampaka n’undi umwe watowe na bagenzi be.

Ihangana ridasanzwe…

Muri aya matora yo ku munsi wa nyuma, ari kugaragaza umwihariko ugereranyije n’andi yabanje, kuko abantu bitabiriye gutora cyane ku kigero cyitegeze kibaho kandi amajwi akaba yegeranye.

Mwiseneza niwe wayoboye uru rutonde kuva amatora yatangira. Amajwi menshi yagize ni 35 114 mu gihe ababaga bamukurikiye batagezaga mu 20000 uretse Bayera Nisha Keza wagize 28 460 ku munsi wa kane.

Ubwo twandikaga iyi nkuru, Mwiseneza Josiane niwe wari uyoboye n’amajwi arenga 47000, akurikiwe na Ricca Michaella Kabahenda ufite amajwi arenga 45000, Bayera Nisha Keza afite arenga ibihumbi 42000, Uwicyeza Pamella afite arenga ibihumbi 37000 na Niyonsaba Josiane ufite arenga ibihumbi 34000.

Nibwo bwa mbere muri aya matora habonetsemo umubare w’amajwi yikubye inshuro kabiri ugeranyije n’andi yabanje. Ricca Michaella Kabahenda yatunguranye aba uwa kabiri mu gihe nta na rimwe yigeze aza muri batanu ba mbere.

Kuri uyu mugoroba haramenyekana abakobwa 15 bazagera mu cyiciro cya nyuma. Aba ni nabo basinya imihigo bavuga ibyo bazakora mu gihe cy’umwaka wose.

Nyampinga w’u Rwanda 2019 azatorwa ku wa 26 Mutarama 2019 mu birori bizabera i Rusororo mu nyubako ya Intare Conference Arena.

Mbere y'amasaha make ngo itora rirangire, abakobwa baracyakubana mu majwi
Irushanwa rya Miss Rwanda rigeze mu mahina...harabura amasaha make ngo Nyampinga amenyekane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza