Ijoro ry’ubusabane hagati ya The Ben n’abamaze imyaka itandatu batamubona

Yanditswe na Munyengabe Murungi Sabin
Kuya 28 Ukuboza 2016 saa 10:45
Yasuwe : XX
0

The Ben wari umaze imyaka itandatu aba muri Leta Zunze Ubumwe za Amerika yagarutse mu Rwanda aho aje mu gitaramo cy’amateka cya East African Party gisanzwe gitumirwamo abahanzi bakomeye muri Afurika no ku Isi.

Uyu muhanzi yageze mu Mujyi wa Kigali kuwa Gatandatu tariki 24 Ukuboza 2016, yaje mbere y’uko igitaramo kigera kugira ngo yitegure afatanyije n’abacuranzi biga umuziki ku Nyundo ari nabo bazamufasha.

The Ben umaze iminsi asura umuryango mugari afite i Kigali yateguriwe ibirori byise ‘Xclusive Vibe Party’ bizaba mu ijoro ry’ubusabane kuwa Gatandatu tariki ya 31 Ukuboza 2016. Azasabana n’abafana bari bamaze imyaka myinshi batamuca iryera, bifotoze ndetse bishimane na we mu guherekeza umwaka wa 2016 binjira mu wundi.

Umuhuro wa The Ben n’abafana uzabera kuri Hotel Villa Portofino i Nyarutarama mu ijoro ryo kuwa 31 Ukuboza. Ibi birori byateguwe na kompanyi yitwa Elite ifatanyije na EAP.

Umuyobozi wa Elite, Habimana Laurent Christian yavuze ko hazaba hari n’abandi bahanzi barimo Buravan, Charly&Nina ndetse na Bruce Melody.

Yagize ati “Elite dusanzwe dutegura ibitaramo bikomeye, uyu mwaka dufite igikorwa gikomeye dufata nk’ikizasoza umwaka wa 2016. Iki gitaramo twacyise Xclusive Vibe Party, ni umuhuro ukomeye hagati ya The Ben n’abafana be, twateguye iki gikorwa dufatanyije na EAP ari nayo yazanye uyu muhanzi mu Rwanda, hazaba hari n’abandi bahanzi bazafatanya na The Ben mu gitaramo cye gikuru kizaba ku Bunani.”

Muri uyu muhuro hazaba ubusabane hagati y’aba bahanzi n’abafana, hateguwe igikorwa cyo kwifotozanya n’ibi byamamare ku bazabyifuza n’ibindi byihariye abazawitabira bazabona.

The Ben amaze iminsi ine mu Rwanda

Ati “Ni ibintu bizaba bishimishije, The Ben afite ibintu byinshi azatunguza abafana, hazaba kwifotozanya, ni ubusabane bwiza ku buryo uwacikwa yaba ahombye bikomeye.”

Iki gikorwa kizarangira mu rukerera hanyuma hakurikireho ikindi cyitwa ‘2017 Login’, iki kizatangira mu museso wo kuwa 1 Mutarama 2017 kibe umunsi wose kugeza bugorobye. Elite yagiteguye izifashisha aba Djs bakomeye mu Rwanda barimo Selekat Copain, Dj Toxxky, Dj Karim, Dj Miller, Dj Diallo, Dj Miles, Dj Smith, Dj Julzz na Dj Kalexx.

Kwinjira muri Hotel Villa Portofino ni ukwishyura amafaranga ibihumbi icumi [10,000frw].

The Ben yaje mu Rwanda amaze gusohora indirimbo yitwa ’Roho Yanjye’


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE