Impanga zasutse amarira mu mwiherero wa Miss Rwanda i Nyamata (Amafoto)

Yanditswe na Munyengabe Murungi Sabin
Kuya 14 Gashyantare 2018 saa 08:56
Yasuwe :
2 3

Uwonkunda Belinda na Umutoni Belise, abakobwa babiri b’impanga bamenyekaniye mu irushanwa rya Nyampinga uyu mwaka, umwe yabashije kugera mu cyiciro cya nyuma mugenzi we arasigara.

Umutoni Belise yaherukaga kubona impanga ye Uwonkunda Belinda mbere y’uko umwiherero wa Miss Rwanda utangira tariki ya 9 Gashyantare 2018. Igihe cyari gishize batabonana, buri wese ku ruhande rwe yari yarabuze amahwemo.

Mu mwiherero, Uwonkunda Belinda yahoranaga umutima uhagaze ndetse yahoraga ameze nk’ufite uburwayi kubera kubura impanga ye Belise. Ku mugoroba wo kuri uyu wa Kabiri tariki ya 13 Gashyantare 2018, abategura irushanwa bahuje izi mpanga ahari kubera umwiherero mu Mujyi wa Nyamata.

Umutoni Belise akibonana n’impanga ye Uwonkunda Belinda bahoberanye, ibyishimo byari byinshi kugeza ubwo byabasaze bararira. Nubwo amaze igihe asa n’urwaye kubera kutabana n’impanga ye, Uwonkunda Belinda avuga ko yizeye kuzitwara neza agatwara ikamba.

Uwonkunda Belinda, afite imyaka 22, akareshya na metero 1.70 apima ibiro 50, impanga ye Umutoni Belise baranganya imyaka n’uburebure gusa bagatandukanira ku biro kuko uyu apima ibiro 51.

Umutoni Belise yaherukaga kubwira IGIHE ko mugenzi we aramutse amurushije amanota agakomeza mu cyiciro cya nyuma yabyakira neza kuko ngo ‘icyo baharanira ari uko intsinzi yataha iwabo.

Yagize ati “Tugeze kure turi babiri byaba ari byiza ariko nabwo ageze kure wenyine nabwo byantera ishema kuko yaba Nyampinga, urumva ko naba mvukana na Nyampinga.”

Uwonkunda Belinda yahoraga ameze nk'urwaye kubera kutabona impanga ye

Izi mpanga zisanzwe zikora ibyo kwerekana imideli, zikomoka i Remera mu Mujyi wa Kigali zikaba ziherutse gusoza amashuri yisumbuye mu ishami ry’Imibare Ubukungu n’Ubumenyi bw’Isi.

Uwonkunda Belinda na Umutoni Belise bahoberanye ibyishimo birabarenga bararira
Uwonkunda Belinda na Umutoni Belise baherukanaga mbere y'umwiherero
Abakobwa b'impanga Umutoni Belise na Uwonkunda Belinda

Uko abakobwa bahagaze mu matora kugeza ubu:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza