Kwamamaza

Indi ntambwe ya Miss Mutesi Jolly mu rugendo ruzenguruka u Rwanda (Amafoto)

Yanditswe kuya 7-11-2016 saa 11:09' na Munyengabe Murungi Sabin


Nyampinga Mutesi Jolly yihaye intego yo kuzengurukana n’abifuza gutembera mu bwiza kamere bw’u Rwanda, igihugu gitatswe n’imisozi miremire n’ahantu nyaburanga higanjemo ibibaya n’imisozi myiza, inzuzi, imigezi, ibiyaga, amashyamba n’ibindi bitandukanye.

Muri Werurwe 2016 Miss Mutesi Jolly yakoze urugendo afatanyije n’itangazamakuru mu Ntara y’Uburengerazuba basura ibyiza nyaburanga biri muri iki gice cy’igihugu. Ni nabwo yatangiye gushyira mu bikorwa umushinga yamuritse ubwo yahataniraga ikamba rya Miss Rwanda.

Mutesi Jolly yari mu itsinda ry’abakerarugendo bo mu gihugu, basuye Pariki y’Igihugu ya Nyungwe kuwa 4-5 Ugushyingo 2016. Muri uru rugendo, abakerarugendo basuye isoko y’uruzi rwa Nil mu burasirazuba n’iy’uruzi rwa Congo mu Burengerazuba bwa Nyungwe; banasuye ikiraro cyo mu bushorishori cya “Nyungwe Canopy Walk Way”, basura isumo rya Kamiranzovu n’ibindi binyuranye.

Yabwiye IGIHE ko yabikoze mu rwego rwo gutanga urugero no guhuza imbaraga n’Ikigo cy’Igihugu cy’Iterambere(RDB) mu rugendo rwo gushyira mu bikorwa umushinga we wo gukundisha Abanyarwanda gusura ibyiza biri mu gihugu imbere.

Yagize ati “Nari nsanzwe mfite umushinga wo guteza imbere ubukerarugendo mu gihugu imbere, nagiye muri ririya tsinda kugira ngo mbe urugero ku bandi […] No mu minsi iri imbere hari ibindi bikorwa mfite bizamfasha kwereka ababishaka ibyiza bitatse igihugu, bazajya biyandikisha hanyuma bahitemo aho tujyana urugendo rukorwe.”

Muri uru rugendo rwo guha ingufu gahunda ya ‘Tembera u Rwanda’, Mutesi Jolly ari mu batambagiye ishyamba rya Pariki ya Nyungwe ryuje akayaga n’urusobe rw’amajwi y’udukoko n’ibinyabuzima.

Yavuze ko mu ngendo ateganya gutangiza zizamufasha gukora umushinga we azajya atoranya ahantu hifujwe na benshi kugira ngo basure aho bafitiye inyota. Ati “Nko muri Nyungwe niho bari baduhitiyemo muri ruriya rugendo, mu bikorwa nshaka kuzakora nzakomeza mfatanye na RDB, ababyifuza bazajya biyandikisha hanyuma bahitemo aho bashaka kujya, tuzajya twumvikana. Icy’ingenzi ni uko Abanyarwanda batembera igihugu cyabo….”

Mutesi Jolly mu bushorishori bw'ishyamba rya Nyungwe. Hano ni kuri Nyungwe Canopy Walk Way

Mutesi Jolly azatangira gushyira mu bikorwa uyu mushinga we mu mpera z’Ukuboza 2016 nava muri Leta Zunze Ubumwe guhatanira ikamba rya Miss World.

Ati “Nzatangiza iyo gahunda neza nimva muri Amerika, ndashaka kubanza nkava muri Miss World hanyuma nkabona gutangira neza uwo mushinga. Ni ibintu byiza, abantu barabyumva ntabwo bizagorana…”

Mbere yo kujya muri Miss World, Mutesi Jolly na Kwizera Peace bagiye kwerekeza mu Mujyi wa Cotonou muri Bénin ahazabera irushanwa ry’ubwiza rya Miss Naïade kuwa 12 Ugushyingo 2016.

Jolly ngo agiye gutangiza urugendo ruzajya rufasha Abanyarwanda gusura ibyiza nyaburanga mu gihugu hose
Kwizera Peace yari yaherekeje mugenzi we Mutesi Jolly

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved