Kwamamaza

Inzu itunganya umuziki mu Bubiligi igiye gufungura ishami i Kigali

Yanditswe kuya 13-10-2016 saa 13:20' na IGIHE


Iradukunda Julien washinze inzu itunganya umuziki ya BProud Music mu Bubiligi agiye gufungura ishami ryayo mu Mujyi wa Kigali mu rwego rwo kwagura ibikorwa no kubaka ikiraro kizajya cyambutsa abahanzi bo mu Rwanda.

Producer Julien w’imyaka 22 y’amavuko yatangiye kwigaragaza mu batunganya amashusho y’indirimbo batanga icyizere cy’ahazaza mu Bubiligi mu gihe gito amaze abikora.

Ni we watunganyije amashusho y’indirimbo “Only You” ya Ben Kayiranga afatanyije na The Ben. Yanatunganyije nyinshi mu ndirimbo z’abahanzi nka Charles Uwizeye, M-Lambert, Selemani n’abandi.

Indirimbo nyinshi atunganya azikorera muri Studio ye bwite BProud Music ikorera mu Mujyi wa Bruxelles. Yabwiye IGIHE ko yaje mu Rwanda kugira ngo yige isoko ry’umuziki waho anatangire ibikorwa byo gutangiza studio ye ateganya kuzafungura muri Nyakanga 2017.

Yagize ati “Naje mu Rwanda kureba uko isoko ry’umuziki wa hano rimeze, mu gihe nzamara hano nzahakorera ibikorwa byinshi birimo imishinga imwe y’indirimbo nzahafatira, nzanareba inzira nzanyuramo kugira ngo ntangize studio yanjye i Kigali.”

Yongeyeho ati “Iyi studio ubundi nifuza ko yakorera mu bihugu byombi, mu Bubiligi nkahagira ishami rikuru hanyuma no mu Rwanda nkahubaka studio ikomeye, nateganyije ko izantwara nka miliyoni 30, nzashaka Producer wajya ayikoreramo bihoraho ku buryo ikora nk’uko iyo mu Bubiligi ikora.”

Producer Iradukunda Julien yavuze ko ishami azafungura mu Rwanda rizaba ritunganya indirimbo mu buryo bw’amajwi n’amashusho ndetse ngo nibimushobokera yazashyiramo agashami gakora ibya sinema.

Ati “Ntabwo izaba ikora video gusa, ndashaka ko ikora nka kuriya kwa Waasafi ya Diamond, ndashak ko izagira imbaraga byanashoboka tukazajya dukora n’ibya filime.”

Julien Iradukunda agiye gufungura ishami rya BProud Music mu Rwanda

Yavuze ko mu Rwanda yatangiye gukorana n’abahanzi barimo Asinah ari gufatira amashusho y’indirimbo yise ‘Happy’ n’indi nshya agiye gutangira ya Umutare Gaby.

Julien Iradukunda mu kazi
Julien Iradukunda ari gutunganya amashusho y'indirimbo nshya ya Asinah

Imwe mu ndirimbo Producer Julien yatunganyije


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved