Irakoze Hope n’abacuranzi be bagiye gukora igitaramo giherekeza 2016

Yanditswe na Munyengabe Murungi Sabin
Kuya 28 Ukuboza 2016 saa 05:39
Yasuwe :
0 0

Irakoze Hope wegukanye Tusker Project Fame ya 6 yatumiwe mu gitaramo gikomeye azakorera abakunzi b’umuziki ucurangiwe aho [live] mu gufasha abatuye mu Mujyi wa Kigali guherekeza umwaka wa 2016 banezerewe.

Hope Irakoze ni umwe mu bahanzi bake bafite ubuhanga buhanitse mu kuririmba by’umwimerere, asanzwe abarizwa mu itsinda 3Hills ahuriyemo na mugenziw e Eric Mucyo, barishinze bafatanyije na mugenzi wabo Jackson Kalimba uherutse kurivamo ku mpamvu impande zombi zitavuzeho rumwe.

Yatumiwe mu gitaramo cyiswe ‘Fiesta Night’, kizabera kuri Bougainvilla Boutique [ku muhanda KG9 AV67] i Nyarutarama kuri uyu wa Gatanu tariki ya 30 Ukuboza 2016. Irakoze Hope usanzwe azwiho ubuhanga mu kuririmba azaba afatanyije n’abacuranzi babigize umwuga, bazacuranga guhera saa kumi n’ebyiri z’umugoroba.

Ntabanganyimana Jean de Dieu ukuriye itsinda ryateguye iki gitaramo yavuze ko abazaza kureba Hope Irakoze bazanagira amahirwe yo kubona abandi bahanzi bakunzwe mu Rwanda barimo Mani Martin, Safi wo muri Urban Boyz n’abandi.

Yagize ati “Iki gitaramo twagiteguye kugira ngo dufashe abakunda umuziki gusoza umwaka bishimye, twahisemo Hope Irakoze kuko afite ubuhanga bwihariye, abantu bagiye mu bitaramo akora bazi uko biba byifashe iyo acuranga. Igitaramo cye kizaba ari live ijana ku ijana. Ikindi ni uko ibicuruzwa bijyanye n’ibinyobwa twagabanyije ibiciro byabyo ku buryo ntawe uzabangamirwa.”

Hope agiye gukora iki gitaramo mu gihe we na mugenzi we Eric Mucyo bitegura gutangira urugendo rw’ibitaramo bizazenguruka Afurika y’Uburasirazuba bamenyekanisha umuziki wabo.

Hope Irakoze ni umwe mu bahanzi bafite ubuhanga

Irakoze Hope uzwi mu ndirimbo “Mariya” na “Vimba Vimba” namara kuririmba hazakurikiraho umwanya wahariwe aba Djs babigize umwuga bazavanga imiziki barimo Dj Ysin n’abandi. Kwinjira muri iki gitaramo nta kiguzi cyashyizweho.

Aho igitaramo kizabera...

Safi Madiba azaba ahari
Mani Martin na we ngo agomba kuzaba ahari

Amafoto: Mahoro Luqman


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza