Kwamamaza

Itorero Imena rizaserukira u Rwanda mu iserukiramuco rya Sauti za Busara

Yanditswe kuya 27-10-2016 saa 08:21' na Munyengabe Murungi Sabin


Itorero ribyina imbyino gakondo ryitwa Imena Cultural Troupe ryatoranyijwe mu bahanzi n’amatsinda azitabira iserukiramuco rikomeye muri Tanzania rizabera ku kirwa cya Zanzibar.

Iri serukiramuco rya Sauti za Busara rigiye kuba ku nshuro ya 13, rizabera ahitwa Stone Town muri Zanzibar. Sauti za Busara ihuriza hamwe abanyamuziki bakomeye baba baturutse mu nguni zose za Afurika.

Umuyobozi wa Imena Cultural Troupe, Semanza Jean Baptiste[Jabastar] yavuze ko abarigize batangiye gukora imyitozo ikomeye no gutegura imikino bazerekana mu guhesha isura nziza umuco n’umuziki nyarwanda.

Yagize ati “Ibintu byose byamaze gutungana, abategura Sauti za Busara twavuganye na bo baratwemereye ndetse bishimiye ko u Rwanda ruzitabira iri serukiramuco. Icyo dutegereje ni ubutumire bwanditse no kutumenyesha amatariki neza naho ibindi byose byararangiye.”

Yongeyeho ati “Ni inshuro ya kabiri tugiye kujyayo, ririya serukiramuco dusanzwe turimenyereye ku buryo numva ko tuzitwara neza.”

Itorero Imena ryaherukaga kwitabira iserukiramuco rya Sauti za Busara mu mwaka wa 2007, icyo gihe ryahuriyeyo n’abahanzi ndetse n’amatsinda abyina yo mu bihugu birenga icumi.

Itorero Imena Cultural Troupe rimaze imyaka igera kuri 20 ishinzwe, kuri ubu rigizwe n’abanyamuryango bahoraho bageze kuri 45 barimo abasore, inkumi, abagabo n’abagore bamaze kubimenyera. Batumiwe muri Zanzibar nyuma y’igihe gito bavuye muri Côte d’Ivoire kwitabira iserukiramuco ryitwa Massa.

Kuri iyi nshuro Sauti za Busara izitabirwa n’abahanzi bo mu bihugu bigera kuri 16 birimo Tanzania, Kenya, Burundi, Uganda, Ghana, Morocco, Ethiopia, Guinea Bissau, Seychelles, Cameroon, Mozambique, Rwanda, Somaliland, Malawi, Reunion n’ibindi.

Jabastar uyobora Imena Cultural Troupe
Ni ku nshuro ya kabiri abagize Imena batumiwe muri Sauti za Busara

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved