Itsinda Beauty For Ashes rigeze kure imyiteguro yo gusohora album ya Rock yihariye

Yanditswe na IGIHE
Kuya 17 Mata 2017 saa 08:01
Yasuwe :
0 0

Abagize itsinda Beauty for Ashes ryibanda ku muziki w’indirimbo zihimbaza Imana, rigeze kure imyiteguro yo gusohora album izaba yiganjemo ibihangano bicuranze mu njyana ya Rock ivanzemo umudiho wa Kinyafurika.

Beauty for Ashes yakunzwe cyane mu Rwanda mu ndirimbo zirimo ‘Surprise’, Turashima, Yesu niwe Super Star n’izindi. Iri tsinda ryasohoye indirimbo nshya ryise ‘Yesu Ni Sawa’ mu majwi n’amashusho, ni nayo ibimburiye indirimbo riteganya kubumbira kuri album nshya riri gutegura.

Umuyobozi wa Beauty for Ashes, Kavutse Olivier yabwiye IGIHE ko itsinda ayoboye ryihaye intego zikomeye muri uyu mwaka wa 2017 ndetse ngo rirashakisha inzira rizakoresha mu kwigaragaza nka rimwe mu baririmbyi bamaze gushinga imizi mu muziki uhimbaza Imana muri Afurika y’Uburasirazuba.

Beauty For Ashes imaze igihe itangiye gushyira hanze amashusho y’indirimbo zigize iyi album mu buryo bw’inkurikirane, yari iherutse gusohora video y’indirimbo ‘Yesu ni swa’, nyuma bakurikijeho iyitwa ‘Ni Uwa Mbere’ isubiwemo.

Ubu bashyize aba baririmbyi bashyize hanze indi nshya hanze yo kwizihiza Pasika bise ‘The Cross’. Kavutse yavuze ko bayikoze mu rwego rwo gufasha abakunda umuziki w’indirimbo zihimbaza Imana by’umwihariko abizihiza izuka rya Yesu kugira ngo barusheho kumva no kwizera ko ‘nyuma y’uko umubiri w’umuntu upfa hazabaho igihe cy’umuzuko’.

Iyi ni imwe mu ndirimbo zigize album nshya ya Rock y’umwihariko aba bahanzi bashaka kuzashyira hanze bitarenze muri Nyakanga 2017.

Amwe mu mafoto yo mu ifatwa ry’aya mashusho


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244