Jean Luc wazamuwe na King James yatangiye ibitaramo byo kwimenyakinisha

Yanditswe na Munyengabe Murungi Sabin
Kuya 24 Ugushyingo 2016 saa 10:35
Yasuwe : XX
0 0

Jean Luc Ishimwe, w’imyaka 20 ni umwe mu bahanzi bashya bigaragaje nk’abanyempano mu muziki w’u Rwanda mu mwaka wa 2016, yazamukiye mu irushanwa ryo kuririmba ryateguwe na King James ashimira cyane.

Ishimwe yiga mu mwaka wa Kabiri muri Kaminuza y’u Rwanda ishami rya CBE [yahoze yitwa SFB] . Yamenyekaniye cyane mu irushanwa ryateguwe na King James ryari rigamije kuzamura abahanzi bafite impano ariko batagira ubushobozi bagombaga gufashwa binyuze mu mushinga King James yise “ID”.

Uyu muhanzi yatoranyijwe mu cyiciro cy’abahanzi bakizamuka bafite impano bazajya bategurirwa ibitaramo byo kubamenyekanisha byiswe ‘Poliakov Unplugged’ bizajya bitegurwa na kompanyi yitwa STS Trade Ltd ibinyujije mu kinyobwa isakaza cya Poliakov Vodka.

Ishimwe Jean Luc umwe mu bafashwa n’iyi kompanyi yabwiye IGIHE ko igitaramo cya mbere agomba gukora kigomba kubera i Nyarutarama muri Chillax Lounge kuri uyu wa Kane tariki ya 24 Ugushyingo 2016.

Ati “Iki gitaramo ngomba gukorera muri Chillax i Nyarutarama ni kimwe mu bindi byinshi ngiye gukorera hirya no hino mu kwigaragaza nk’umuhanzi. Nakoze indirimbo zimwe ziramenyekana abantu bambonamo ubuhanga ariko sindagira amahirwe yo kugaragara mu bitaramo, aba bantu bari kumfasha nkeka ko ari zo mbaraga bagiye kumpa kugira ngo ntangire ngere imbere y’abafana.”

“Uretse ibi bitaramo nzajya nitabira byateguwe n’iyi kompanyi bananyemereye ko umuziki wanjye uzakara mu gihugu ndetse nkamenyekana kurushaho binyuze mu binyamakuru bikomeye bafitanye na byo amasezerano n’ubundi buryo bw’ubufasha bampa.”

Jean Luc amaze gusohora indirimbo enye z’amajwi n’izindi ebyiri z’amashusho, yamenyekanye cyane mu yitwa ‘Nimpagera’[ubu iri gukorerwa amashusho]. Yavuze ko nyuma y’iki gitaramo hari ibindi azakora mu Mujyi wa Kigali, nabona ubushobozi arateganya no gutangira kwagura ubuhanzi bwe mu bindi bice by’igihugu.

Ibitaramo bya ‘Poliakov Unplugged’ byatangiye kuwa 17 Ugushyingo 2016, icyo gihe haririmbye umuhanzi Aime Bluestone.

Uze njye nkomora, amashusho y’indirimbo Jean Luc aherutse gusohora:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE