Kanyombya yabatirijwe mu rindi dini mu gihe yiteguraga gusezerana mu Kiliziya

Yanditswe na Bukuru JC
Kuya 20 Mata 2017 saa 03:32
Yasuwe :
0 1

Kayitankole Njoli wamamaye nka Kanyombya yavuye muri Kiliziya Gatolika ajya mu Itorero Rehoboth Pentecostal Church ndetse yemera kubatizwa no kwakira agakiza akaba umukirisitu byemewe.

Kanyombya yabatijwe mu mazi menshi ku Cyumweru tariki ya 16 Mata 2017. Yabatijwe n’Umushumba w’ Itorero Rehoboth Pentecostal Church, Bishop Mugisha Gerald ni mu gihe yiteguraga gusezerana muri Kiliziya Gatolika n’umugore we Umulisa Jeanne.

Kuwa Kane tariki 25 Ukwakira 2012 nibwo umukinnyi wa film Kanyombya yazasezeranye imbere y’amategeko n’umugore we Umulisa Jeanne mu muhango wabereye Murenge wa Gikondo mu Karere ka Kicukiro.

Ubajije Kanyombya ibyerekeye uyu mubatizo ntiyerura ngo akubwire niba yaramaze kwinjira muri iri dini cyangwa ngo abihakane gusa mu byo avuga yumvikanisha ko ‘kubatizwa ari ku mutima kandi ubukirisitu bwose bujyana no kutabangamira abandi’.

Yaherukaga kubwira IGIHE ko yitegura gukora ubukwe bwa gikirisitu agasezerana mu Kiliziya n’umugore we ariko yavugaga ko ‘yagize ikibazo cy’ubukene’. Yagize ati “No money no life, no money no wife [nta mafaranga nta buzima, nta mafaranga nta mugore], urumva nari kubukora nte. Ubukwe busaba kuba umuntu afite za miliyoni kandi ntazo mfite.”

Kanyombya yamamaye cyane mu Rwanda kubera film yitwa "Haranira Kubaho" ariko benshi bamuzi nka Kanyombya, izina yakoreshaga akina.

Yavuze ko mu myanzuro ikomeye yafashe ngo ni uko nta muntu azongera gukinira muri film. Ngo afite imishinga ye bwite yo gusohora film zizajya zigaragaramo benshi mu bakinnyi bazwi mu Rwanda.

Ati “Umwanzuro narawufashe, nta film z’abandi nzongera gukinamo, uzakenera kunkoresha nzamuhenda cyane. Nzajya mbaca amafaranga menshi bacike intege zo kunkoresha. Nanjye ndashaka kwiteza imbere nkore film zanjye.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza