Kigali: Abanyempano babarirwa mu gihumbi bitabiriye irushanwa rya East Africa’s Got Talent

Yanditswe na Muvunyi Arsène
Kuya 26 Gicurasi 2019 saa 08:47
Yasuwe :
0 0

Abanyempano babarirwa mu bihumbi bitabiriye ijonjora ry’Irushanwa rya East Africa’s Got Talent rifite intego yo gushaka abafite impano zihariye muri Afurika y’Uburasirazuba.

Iri jonjora ry’ibanze ryabereye ahazwi nka Maison des Jeunes Kimisagara mu Mujyi wa Kigali ku wa 25 Gicurasi 2019, ahari hahuriye abiganjemo urubyiruko ruturutse imihanda yose, rufite intego yo kwerekana impano.

Abahatana biyandikishaga, ubundi bagatora imirongo umwe umwe akinjira mu cyumba cyafatirwagamo amashusho, aho yamaraga iminota ibiri yonyine.

N’ubwo nta wundi muntu wari wemerewe kwinjira muri icyo cyumba, urebeye hanze hari higanje abanyempano batandukanye barimo ababyinnyi, abaririmbyi, abakora ubufindo, abahanga imivugo n’izindi mpano zitandukanye biganjemo abitabiriye irushanwa rya Art Rwanda-Ubuhanzi.

Mu bo IGIHE yabashije kubona basanzwe bazwi harimo umuhanzikazi Jody Phibi; Uwiringiyimana Patience ufite ubuhanga mu gukora ubugeni bwo kuvugisha agapupe yise ’Golizo the Crazy’ bizwi nka ’Ventriloquism’; abanyabufindo barimo uwitwa Nsengiyumva Idrissa uzwiho kujundika itabi ryaka umuriro agasomeza inzoga ntirizime, uwiyita Black number One wipfumura umubiri akoresheje ibikwasi n’abandi batandukanye.

Hari kandi abana b’abakobwa babiri bava inda imwe n’Umunyarwenya Arthur Nkusi umaze kubaka izina mu Rwanda; umukuru yerekanye impano yo kuririmba, umuto arabyina.

Abategura iri rushanwa ntibatangaje imibare y’abaryitabiriye ariko baragera ku 1500 ukurikije nimero bahawe.

Abatabashije kwigerera ahabereye amajonjora bashyiriweho uburyo bwo kohereza amashusho yabo kandi bakazahabwa amanota mu buryo bungana.

Iri rijonjora ryabereye mu Rwanda nyuma y’andi yabereye muri Kenya, Uganda, na Tanzaniya, hose hakazagenda hatoranywa 30 bazajya guhatana muri Kenya.

Biteganyijwe ko hazahembwa umuntu umwe uzaba yahize abandi bose, aho azahabwa ibihumbi $40.

Iri rushanwa rizajya rica kuri televiziyo zo mu Karere zirimo Televiziyo y’u Rwanda, Clouds TV, NBS na Citizen TV.

Abanyempano bo mu ngeri zitandukanye bari babukereye
Umunyarwenya wo muri Uganda Anne Kansiime ni we uzayobora East Africa’s Got Talent
Irushanwa rya East Africa’s Got Talent rizanyuzwa kuri televiziyo zitandukanye zo mu Karere
Abana b'abakobwa berekanye umuco Nyarwanda binyuze mu bikoresho bitandukanye
Mushiki wa Arthur Nkusi aganira n'itangazamakuru. Yerekanye impano yo kubyina

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza