Knowless yibarutse umukobwa

Yanditswe na Philbert Girinema
Kuya 22 Ugushyingo 2016 saa 08:00
Yasuwe :
0 0

Mu gitondo cyo kuri uyu wa Kabiri, Butera Knowless yibarutse imfura ye na Ishimwe Clement, umwana w’umukobwa bahise baha izina rya Ishimwe risanzwe rifitwe na se.

Amakuru agera kuri IGIHE ni uko umuhanzi Butera Knowless yibarutse imfura nyuma y’iminsi ijana n’irindwi (amezi atatu n’iminsi 15) asezeranye na Ishimwe Clement bari bamaze igihe bakundana.

Knowless yibarutse imfura abyajwe n’umwe mu baganga bamaze kwamamara mu kwita ku bagore batwite witwa Muhammad.

Kugeza ubu, izina rizahabwa iyi mfura ya Clement na Knowless ntiriratangazwa gusa umwe mu nshuti za hafi z’uyu muryango yabwiye IGIHE ko yahawe izina Ishimwe ‘hategerejwe irindi’.

Hari hashize iminsi micye uyu muhanzi wamamaye mu ndirimbo nka ‘Wari urihe’ akorewe ibirori byo kwishimira umwana. Ni ibirori byitabiriwe n’inshuti ze za hafi zirimo umuhanzi Aline Gahongayire ndetse n’umugore wa Tom Close, Niyonshuti Ange Tricia.

Mu bihe bitandukanye, Knowless yakunze gutangaza ko akunda abana cyane ‘umukobwa’ , bisa n’aho inzozi ze zibaye impamo. Mbere gato y’uko ashyingirwa, yabwiye IGIHE ko yifuza kuzonsa umwana we nibura kugera agize imyaka ibiri.

Ati “Umwana wanjye agomba konka kugeza ku mezi atandatu nta kintu na kimwe muvangiye cyane cyane ko mba numva ko agomba kuba intangarugero uretse nyine ko ngomba no kubigiramo uruhare.”

Amafoto yaranze ibirori byo kwitegura umwana wa Knowless

Gahongayire yifurije Knowless kuzabyara neza
Knowless yibarutse umukobwa
Bamukoreye ibirori byo mu gihe yitegura kuba umubyeyi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza