Kwamamaza

Kwizera Peace na bagenzi be bakoreye imyitozo ku Nyanja ya Atlantic (Amafoto)

Yanditswe kuya 12-11-2016 saa 14:44' na Munyengabe Murungi Sabin


Kwizera Peace, Nyampinga uhagarariye u Rwanda mu irushanwa mpuzamahanga ry’ubwiza rya Miss Naïade na bagenzi be bo mu bihugu bya Afurika, bakoze imyitozo ya nyuma yabereye ku nkombe z’inyanja ya Atlantic.

Irushanwa rya Miss Naïade riteganyijwe kuba ku nshuro ya 13 mu ijoro ryo kuri uyu wa Gatandatu tariki ya 12 Ugushyingo 2016. Ubusanzwe rihuza abakobwa bo mu bihugu bya Afurika babaye ibisonga bya Nyampinga muri buri gihugu.

Ku mugoroba wo kuri uyu wa Kane tariki ya 12 Ugushyingo 2016 harasozwa iry’uyu mwaka mu birori bigomba kubera kuri hoteli yitwa Dream Beach Hotel iri ku nkombe z’inyanja ya Atlantic ari naho abakobwa bakoreye imyitozo ya nyuma bitegura ibirori bigomba gutambutswa imbonankubone kuri Televiziyo ya Benin.

Mu gitondo abakobwa bamaze kugera i Cotonou ahari kubera irushanwa bakoreye ikiganiro kuri Televiziyo y’igihugu ku cyicaro cyayo gikuru. Aba bakobwa kandi banasuye ikigo cy’igihugu cy’itangazamakuru, Office de Radiodiffusion et Télévision du Bénin (ORTB).

Muri iki kiganiro buri mukobwa yabazwaga icyizere yifitiye mbere y’uko irushanwa rigera, Kwizera Peace yasubije ko “uburebure bw’urugendo ruva i Kigali kugera kuri Cotonou rugaragaza ubushake afite mu irushanwa”.

Uyu mukobwa yanavugiye kuri Televiziyo ya Benin ko ‘u Rwanda ari igihugu cyiza bityo ko ibihugu byose bya Afurika bikwiye kugifatiraho urugero kuko gifite gahunda yihariye’. Yagize ati “Ndabasaba mwese kuzaza kureba u Rwanda, ni heza cyane kurusha Afurika y’Uburengerazuba, ni igihugu kiri ku murongo, kiri gutera imbere cyane […] ni byiza byinshi wabona uhageze.”

Abakobwa bitabiriye Miss Naïade biganjemo abavuga Igifaransa, uwa Ghana, Togo, Cote d’Ivoire, Benin, Cameroun, Tchad, Burundi, Niger, République de Guinée n’abo mu bindi bihugu. Uw’u Rwanda na Nigeria bakoresha Icyongereza gusa.

Mu kiganiro na IGIHE, Manuela K.E.B Nononsi wabaye Miss Naïade 2014, yavuze ko irushanwa ry’uyu mwaka yabonye ryitabiriwe n’abakobwa biganjemo abavuga Igifaransa gusa ariko ko bidakwiye guca intege abakoresha Icyongereza.

Yagize ati “Njye natsinze muri 2014, icyo gihe nabwo hari harimo abakobwa bavuga Icyongereza kandi wabonaga ko baturusha ubumenyi no kuvuga neza, nubwo natsinze sinavuga ko ari Igifaransa cyabimpesheje, byose ni icyizere no kwirinda guhindagurika, biba bisaba kumva ko ari ibintu bisanzwe ukareka ubwoba.”

Miss Manuela ni we wa mbere ukomoka muri Benin watwaye iri rushanwa rya Miss Naïade mu myaka 12 ryari rimaze riba. Icyo gihe yahembwe miliyoni zigera kuri enye z’amafaranga akoreshwa iwabo yitwa CFA[asaga miliyoni eshanu z’amafaranga y’u Rwanda], kwambikwa n’amaduka akomeye muri Benin ndetse ngo byamuhesheje amahirwe yo gukorana n’ibigo bikomeye ku Isi birimo Unicef abereye Ambasaderi muri Afurika y’Uburasirazuba n’ibindi.

Muri studio za Televiziyo ya Benin
Aba bakobwa bagaragaye mu kiganiro cyitwa Weekend Matin
Ubwo bari basohotse mu kiganiro kuri Televiziyo
Kwizera Peace asuhuza mugenzi we wa Cote d'Ivoire
Nyampinga uhagarariye Nigeria
Uwa Ghana yaje muri Benin n'imodoka yahembwe
Imyitozo ya nyuma bayikoreye kuri hoteli iri ku nkombe z'inyanja
Kwizera Peace na mugenzi we wa Nigeria bitoza gutambuka
Kollins, umuhanzi ukomeye muri Togo araririmba muri ibi birori
Manuela K.E.B Nononsi wabaye Miss Naïade 2014, hano yari amaze kuganira na IGIHE
Ibirori biraza kubera kuri iyi hoteli
Kollins wo muri Togo [iburyo] ategerejwe muri ibi birori
Aho ibirori biteganyijwe kubera
Iyi hoteli iri hafi y'ikibuga cya Cotonou

Munyengabe Murungi Sabin/Cotonou-Benin


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved