Abandi bakobwa binjiye muri Miss Rwanda 2018 batsinze ijonjora i Rubavu (Amafoto)

Yanditswe na Munyengabe Murungi Sabin
Kuya 14 Mutarama 2018 saa 01:54
Yasuwe :
0 2

Ijonjora ry’ibanze ry’abakobwa bifuza guhatanira ikamba rya Nyampinga w’u Rwanda uyu mwaka ryakomereje mu Ntara y’Uburengerazuba mu Mujyi wa Rubavu kuri iki Cyumweru tariki ya 14 Mutarama 2018.

Iki gikorwa cyo gutoranya abakobwa bujuje ibisabwa mu Ntara y’Uburengerazuba cyatangiye ku gicamunsi ahagana saa saba zirengaho iminota. Abakobwa babanje gupimwa no kubazwa ibyangombwa bisabwa ababishinzwe bareba imyaka, ubwenegihugu bwa buri mukobwa n’indi myirondoro ikenewe ku bitabira irushanwa.

Ugereranyije n’ubwitabire mu Ntara y’Amajyaruguru aho ijonjora ryatangiriye kuri uyu wa Gatandatu, mu Mujyi wa Rubavu hageze abakobwa umunani gusa mu gihe abiyandikishije muri aka gace ari icumi.

Umuyobozi w’Akanama nkemurampaka, Sandrije Isheja yavuze ko mu byo bari gushingiraho mu guhitamo abakobwa ari ingingo eshatu nkuru "uburanga, ubwenge n’umuco". Uburanga bwari bufite amanota 25%, ubwenge bwahawe amanota 45% hanyuma uburyo umukobwa yatondekaga ibyo avuga bihabwa amanota 30%.

Yabwiye abakobwa babuze amahirwe yo gukomeza mu irushanwa ko ’badakwiye kurakarira abakemurampaka kuko mu irushanwa haba abatsinda n’abatsindwa.

Yagize ati "Iri rushanwa kuryitabira njye mbifata nk’ubutwari bukomeye, umukobwa utabasha gutambuka ngo akomeze ntabwo bivuze ko ari umuswa cyangwa ari mubi [...] Nudakomeza mu irushanwa kandi ntuzatwange, niduhura uzadusuhuze,..."

Abakobwa batsinze ijonjora mu Burengerazuba ni Uwimbabazi Aliance, Iradukunda Liliane, Neema Nina, Isimbi Chanelle na Gacukuzi Belyse.

Miss Rwanda 2018 irimo impinduka, mu majonjora hazatoranywa abakobwa 30 mu gihugu hose aho kuba 25 nk’uko byari bisanzwe nyuma hakazakorwa irindi jonjora rizasigazamo abakobwa 20 bazajya mu mwiherero aho kuba 15 nk’uko byagendaga mu myaka yashize.

Intara y’Amajyaruguru nayo yamaze kubona abakobwa bazayihagararira muri Miss Rwanda 2018. Abatsinze ni Usanase Shamim Irene, Umutoniwase Paula, Ishimwe Belly Stecy, Irebe Natacha Ursule, Umuhoza Linda na Ingabire Divine.

Mu Ntara y’Uburengerazuba niho Mutesi Jolly[Miss Rwanda 2016] na Iradukunda Elsa[Miss Rwanda 2017] biyamamarije.

UKO IGIKORWA CYAGENZE :

- Abakobwa batsinze ijonjora mu Burengerazuba ni Uwimbabazi Aliance, Iradukunda Liliane, Neema Nina, Isimbi Chanelle na Gacukuzi Belyse.

Umukundwa Divine wambaye ikanzu y'icyatsi ni we mukobwa rukumbi wabuze amahirwe
Nyiramongi Odette[umwe mu bafashije Miss Elsa mu rugendo rwe] ndetse na Miss Rwanda 2017 baje muri iki gikorwa
Umuyobozi w'Ishami rya Cogebanque i Rubavu na Iyamuremye Antoine Umuyobozi Ushinzwe Iyamamazabikorwa muri Cogebanque


- Akanama nkemurampaka kamaze guteranya amanota ubu kagiye gutangaza abatsinze bazaserukira Intara y’Uburengerazuba muri Miss Rwanda 2018.

1. Uwimbabazi Aliance, areshya na metero 1.70, agapima ibiro 60

Yabajijwe ahantu heza yumva yarangira abasura Rubavu nk’agace keza k’ubukerarugendo asubiza agira ati "Hano ahanini abantu bose bahasura ntibataha batageze ku kiyaga cya Kivu, ni ahantu heza narangira abantu."

Rwabigwi Gilbert, umwe mu bakemurampaka batitiza abakobwa mu ibazwa yahise amubaza niba hari urundi rurimi azi avuga Igiswahili n’Icyongereza, undi ahita amubwira ati "Mbwira akantu gato uzi mu Gishwahili’ Aliance ati "Nafurahi kuwaona".

2.Gacukuzi Belyse, areshya na metero 1.70, agapima ibiro 54

Gacukuzi yatanze ibisubizo byanyuze akanama nkemurampaka maze Isheja Sandrine ahita amubaza mu rurimi rw’Igifaransa nabwo asubiza adategwa yumvikanisha neza ko azi indimi mu buryo bunoze.

3.Neema Nina, areshya na metero 1.71 agapima ibiro 54

Yabajijwe impamvu afata se nk’icyerekezo cye asubiza agira ati "Impamvu mvuze ko papa ari we cyitegererezo cyanjye ni uko ari we unyubaka, angira inama iyo nakosheje, angira inama akanyereka ko natannye ariko ko bibaho akanankunda cyane."

4. Iradukunda Liliane, areshya na metero 1.70, agapima ibiro 57

Abajijwe impamvu abona urubyiruko rumwe rwumva rwajya kwibera mu mahanga kurusha mu Rwanda asubiza agira ati "Urubyiruko rwinshi rwumva ko kujya hanze y’igihugu ariho hari imibereho myiza kandi ntabwo ari byo twakagombye kuguma mu Rwanda tukaruteza imbere ubwacu."

5. Isimbi Chanelle, areshya na metero 1.75, agapima ibiro 60

Rwabigwi yamuhaye YEGO
Andrew Kareba usanzwe akora ibiganiro kuri Televiziyo y'u Rwanda ni we uyoboye iki gikorwa

Abajijwe icyo yifuza kuba mu gihe kiri imbere Chanelle yagize ati "Ndashaka kuba umugore w’ingirakamaro kandi wigenga. Nifuza ko naba umugore ufite agaciro ku bandi [...] Mu gushaka kuba umugore wigenga nifuza kuzaba umucuruzi nkaziteza imbere."

6. Uwase Fiona, areshya na metero 1.70 agapima ibiro 55

Abajijwe uko yakwakira umuntu amubwiye ko ari mwiza, ati "Iyo umuntu ambwiye ko ndi mwiza numva byinshi, ko mfite umuco, ko mfite umutima mwiza kandi nkumva ko mu bice by’umubiri Imana itanga uko biri kose bimeze neza."

Mu gushyigikira umuco, Fiona Ati "Mbaye Miss Rwanda nakorana na Minisiteri ibishinzwe hakabaho isomo ryitwa ’umuco’ bakiga umuco birambuye. Ikindi nakoresha ikoranabuhanga nize ngashinga urubuga nkoranyambaga abantu bigiraho uwo muco."

7. Umukundwa Divine, areshya na metero 1.78, agapima ibiro 77

- Abakobwa batangiye guca imbere y’akanama nkemurampaka babazwa ibibazo bitandukanye nk’imwe mu ngingo zigenderwaho mu gutanga amanota.


- Abagize akanama nkemurampaka Isheja Sandrine, Rwabigwi Gilbert na Dr.Higiro Jean Pierre bamaze kugera ahabera ijonjora.


- Abahatana uko ari barindwi bamaze kwiyerekana bwa mbere mu cyumba kiberamo ijonjora bimenyereza uko baza gutambuka imbere y’akanama nkemurampaka.

- Abakobwa 7 bemerewe kwinjira mu majonjora i Rubavu

- Neema Nina, areshya na metero 1.71 agapima ibiro 54(numero 3)
- Uwase Fiona, areshya na metero 1.70 agapima ibiro 55(numero 6)
- Umukundwa Divine, areshya na metero 1.78, agapima ibiro 77(numero 7)
- Iradukunda Liliane, areshya na metero 1.70, agapima ibiro 57(numero 4)
- Uwimbabazi Aliance, areshya na metero 1.70, agapima ibiro 60(numero 1)
- Gacukuzi Belyse, areshya na metero 1.70, agapima ibiro 54(numero 2)
- Isimbi Chanelle, areshya na metero 1.75, agapima ibiro60(numero 5)

- Abakobwa bamaze gupimwa uburebure no kureba ibijyanye n’imyirondoro yabo yose ku buryo uwinjira mu irushanwa aba yujuje ibikenewe ku binjira muri Miss Rwanda.

Miss Vanessa Mpogazi ni we ubapima uburebure
Umunzani wabigenewe ukoreshwa mu kureba ibiro by'abakobwa
Umukobwa wese winjira mu irushanwa agomba kuba ari Umunyarwandakazi kandi afite ibyangombwa
Umukobwa yinjira mu irushanwa babanje kureba imyirondoro ye
Abakemurampaka bamaze gutegurirwa indagururamajwi

Amafoto: Niyonzima Moses


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza