Kwamamaza

Masamba yakoreye igitaramo mu Mujyi wa Beijing (Amafoto)

Yanditswe kuya 5-11-2016 saa 09:13' na Munyengabe Murungi Sabin


Masamba Intore washinze itsinda Gakondo Group yakoreye igitaramo mu Mujyi wa Beijing mu Bushinwa, yaririmbye ku mugoroba wo kuri uyu wa Gatanu tariki ya 4 Ugushyingo 2016.

Masamba umaze imyaka irenga 30 akora umuziki gakondo yahagurutse i Kigali ku mugoroba wo ku wa 1 Ugushyingo 2016 naho igitaramo kiba mu ijoro ryo kuwa Gatanu. Yabwiye IGIHE ko yagiye mu Bushinwa ku butumire bw’iki gihugu kugira ngo abafashe kwizihiza ibirori byo kwishimira imyaka 45 gifitanye umubano mwiza n’u Rwanda.

Yagize ati “Nari nabivuze, ibi byari birori byo kwizihiza isabukuru y’imyaka 45 ishize ibihugu byombi bifitanye umubano mwiza no gukomeza kuwusigasira. Ni ibintu byiza cyane kuko naririmbye abantu barishima cyane, nerekanye umuco wacu.”

Yongeraho ati “Igitaramo cyitabiriwe n’Abanyarwanda bagize diaspora yo mu Bushinwa, inshuti s’u Rwanda ziganjemo Abashinwa, aba Ambasaderi b’ibindi bihugu, abasirikare bacu bari ino mu biga mu ishuri rikuru n’abandi batandukanye.”

Ibi birori kandi byitabiriwe n’abayobozi bakuru b’u Rwanda barimo Minisitiri w’Ububanyi n’Amahanga Louise Mushikiwabo, Ambasaderi w’u Rwanda mu Bushinwa, Lt. Gen. Charles Kayonga, Lin Yi ushinzwe imibanire n’ubutwererane mu Bushinwa n’abandi.

Masamba yavuze ko nyuma y’igitaramo yakoze afatanyije n’itorero ry’abanyarwanda biga mu Bushinwa yanacuruje nyinshi muri CD za album ye “Inganzo ya Masamba Intore Icyogere”.

Masamba mu gitaramo yaraye akoreye i Beijing

Ati “Abaje muri ibi birori bishimye cyane kugeza ubwo bahagurutse barabyina kurinda nsoje igitaramo, babyishimiye ndetse banagura CD zose najyanye.”

Ibindi bikorwa ateganya kuzakorerayo mbere yo kugaruka mu Rwanda ngo harimo gutanga amasomo ajyanye no kwigisha urubyuruko kubyina no guhamiriza mu kurushaho kwamamaza no gusakaza umuco nyarwanda.

Masamba ateganya kuzagaruka i Kigali kuwa Mbere tariki ya 7 Ugushyingo 2016, nyuma y’aho azatangaza ibindi bikorwa byagutse ateganya gukora mu muziki.

Masamba bamuhaye impano nyuma yo kuririmba
Masamba na Minisitiri Mushikiwabo nyuma y'ibi birori

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved