Meddy yitabiriye ibirori byahurije Abanyarwanda mu nyanja ya Atlantique

Yanditswe na Muvunyi Arsène
Kuya 28 Gicurasi 2019 saa 12:01
Yasuwe :
0 0

Umuhanzi w’umunyarwanda Ngabo Medard yitabiriye ibirori by’abambaye imyenda y’imyeru, byahuje abanyarwanda baturutse mu bice bitandukanye byo muri Leta Zunze Ubumwe za Amerika.

Ibi birori byabaye ku mugoroba wo ku Cyumweru tariki 26 Gicurasi 2019 mu mujyi wa Portland muri Leta ya Maine muri Leta Zunze Ubumwe za Amerika.

Ibi birori byiswe “Sun Set Cruise White Party” byateguwe n’umunyarwanda utuye muri uyu mujyi, byabereye mu bwato bunini bwatemberaga mu Nyanja ya Atlantique, abari baburimo bagera kuri 200 bagenda birebera ubwiza bw’uturwa duto turi muri iyi nyanja.

Ababyitabiriye bose bari bambaye imyenda y’urwererane.

Ishimwe Sam wateguye iki gikorwa yabwiye IGIHE ko yabiteguye mu rwego rwo guhuza Abanyarwanda baba muri Leta Zunze Ubumwe z’Amerika kugira ngo basabane.

Ati "Haje abaturutse Texas, Chicago, Indiana, Colorado no muri Canada hari abaturutseyo."

Umuhanzi Meddy wari waraye ataramiye muri uyu mujyi ni we wari umushyitsi w’imena, aho yahuye n’abakunzi be bagasabana. Hari kandi Kayibanda Mutesi Aurore n’umukunzi we Mbabazi Egide n’abandi bagera kuri 200.

Ishimwe Sam yavuze ko yatunguwe n’uburyo ibi birori byagenze neza ku nshuro ya mbere biteguwe, dore ko amatike yose yari yateganyijwe yashize kandi yaraguraga $50, ni ukuvuga asaga ibihumbi 45 by’amafaranga y’u Rwanda.

Meddy yifatanyije n'Abanyarwanda muri ibi birori byabereye mu bwato
Byari ibyishimo bikomeye ku bitabiriye ibi birori
Abanyarwandakazi baturutse impande zose muri USA bitabira ubusabane
Bari batumiye n'inshuti zabo
Byari umunezero udasanzwe
Imyenda y'urwererane niyo yari impuzankano
Ishimwe Sam wateguye ibirori by'abambaye imyeru byabereye mu nyanjya ya Atlantique
Meddy na Chris Kayiteshonga (iburyo) umukunzi wa Malaika Uwamahoro
Meddy yasabanye n'abanyarwanda batuye muri USA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza