Miss Aurore wavuye kuri Instagram bigateza urujijo yayisubiyeho

Yanditswe na Muvunyi Arsène
Kuya 19 Gicurasi 2019 saa 09:51
Yasuwe :
0 0

Mu Ukuboza kwa 2018 nibwo Kayibanda Mutesi Aurore wabaye Nyampinga w’u Rwanda mu 2012 n’umukunzi we Mbabazi Egide bavuzwe cyane mu itangazamakuru no ku mbuga nkoranyambaga.

Byakekwaga ko urukundo rwabo rwari rumaze imyaka ine ndetse bari barahamije imbere y’amategeko ya Leta Zunze Ubumwe za Amerika rwaba rwarahindutse umuyonga.

Kayibanda Mutesi Aurore yari yasibye konti ya Instagram naho Mbabazi Egide asiba amafoto yose yari yashyizeho bari kumwe harimo n’ayo mu bukwe bwabo bwari bwabaye ku wa 29 Nyakanga 2018 ku nkombe z’inyanja mu Mujyi wa Portland wo muri Leta ya Maine.

Havuzwe byinshi bitandukanye, bamwe bemeza ko uyu musore yaba yaraciye inyuma umukunzi we akavumburwa n’ibindi bitabaga bifitiwe gihamya.

Birinze kugira byinshi batangaza kuri iki kibazo cyari cyakuye imitima abari bashyigikiye umubano wabo ariko uyu mukobwa ufatwa nka Nyampinga uhiga abandi bose babayeho mu Rwanda, yaje gutangaza ko yihaye umwanya wo kuba aretse gukoresha imbuga nkoranyambaga nta kindi kibazo gihari.

Nyuma y’icyumweru kimwe Mbabazi Egide usanzwe ukora umwuga wo gufata amashusho muri Leta Zunze Ubumwe za Amerika, yashyize amashusho kuri Instagram ari kumwe n’umukunzi we, asa n’unyomoza ibyavugwaga.

Amezi atandutu yari yihiritse Kayibanda Mutesi Aurore atarasubira ku mbuga nkoranyambaga, ariko kuri ubu konti ye ya Instagram yakoreshaga iri kugaragara.

Akurikirwa n’abantu ibihumbi 143, agakurikira umuntu umwe rukumbi ari we Mbabazi Egide nk’uko byahoze na mbere. Amafoto ye yose aracyariho nta n’imwe arasiba.

Ifoto iherukaho ni iya musaza we Hirwa Henry, yagiyeho tariki 1 Ukuboza 2018 ubwo yibukaga imyaka itandatu yari ishize yitabye Imana.

Mbabazi nawe aracyakurikira umukunzi we wenyine nk’uko byahoze kandi yerekana amafoto ye mu bihe bitandukanye nk’uwo yihebeye.

Nubwo Kayibanda yavuzweho gutandukana n’umukunzi we, urebye ku rubuga rwe rwa Instagram usanga ari ibisanzwe ku buryo nta cyahamya ko umubano wabo utifashe neza.

Kugeza ubu ntabwo haramenyakana igihe Kayibanda Mutesi Aurore n’umukunzi we bazakorera indi mihango y’ubukwe bakana akaramata nk’uko babyiyemeje.

Ubwo Mbabazi yambikaga impeta Aurore, yasazwe n'ibyishimo ararira
Mbabazi Egide na Mutesi Aurore bavuzweho gutandukana bamaze igihe gito basezeranye imbere y'amategeko
Konti ya Instagram ya Aurore yari yaravuyeho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza