Miss Muhikira uheruka gushyingiranwa na mukuru wa Buravan yitabye Imana

Yanditswe na Uwiduhaye Theos
Kuya 30 Mata 2019 saa 12:26
Yasuwe :
0 0

Muhikira Bellange Irene wigeze kuba Nyampinga wa INILAK, yitabye Imana arimo kubyara umwana we w’imfura.

Ku wa 28 Nyakanga 2018 nibwo Miss Muhikira yasezeranye kubana akaramata na Burabyo Ghislain, mukuru w’umuhanzi Burabyo Yvan uzwi nka Buravan. Ni mu masengesho yabereye muri Zion Temple mu Gatenga, ayoborwa n’Umushumba w’iri torero Apôtre Dr Paul Gitwaza.

Muhikira yatorewe kuba Nyampinga wa Mbere wa INILAK ku wa 25 Nzeri 2011, atangira inshingano ze mu 2012.

Inkuru y’urupfu rwa Muhikira yamenyekanye mu rukerera rwo kuri uyu wa Kabiri ahagana saa cyenda z’ijoro. Yitabye Imana ari kubyarira mu Bitaro biri muri Angola, aho yabanaga n’umugabo we.

Miss Irene Bellange Muhikira [benshi bita Bella] yitabye Imana nyuma y’amezi icyenda gusa arushinze. Amakuru avuga ko umwana yibarutse we ameze neza.

Muhikira na Burabyo batandukanyijwe n’urupfu mu gihe bagize ubukwe bwizihiye inshuti n’umuryango, bwabimburiwe n’umuhango wo gusaba no gukwa wabaye tariki ya 14 Nyakanga 2018.

Mu basore batandatu bari bagaragiye Burabyo Ghislain ku munsi w’ubukwe bwe, hari harimo murumuna we Burabyo Yvan [Buravan], umuririmbyi ukunzwe cyane muri iki gihe mu Rwanda.

Inkuru wasoma: Miss Muhikira Irene yarongowe na mukuru wa Buravan (Amafoto)

Burabyo Ghislain na Miss Muhikira Irene ubwo binjiraga mu rusengero bajya gusezerana
Apotre Gitwaza ni we wasezeranyije Burabyo Ghislain na Muhikira Irene
Miss Muhikira Irene ku munsi w'ubukwe bwe
Burabyo Ghislain na Muhikira Irene bari bafite akanyamuneza
Ibyishimo byari byasabagiye ku bageni
Muhikira Irene n'abakobwa bamugaragiye ku munsi w'ubukwe bwe
Burabyo Ghislain na Muhikira Irene ku munsi bahanye isezerano ryo kubana akaramata

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza