Kwamamaza

Miss Mutesi Jolly wujuje imyaka 20 hari isomo Isi yamwigishije

Yanditswe kuya 15-11-2016 saa 10:56' na Mukaneza M.Ange


Nyampinga w’u Rwanda 2016, Mutesi Jolly wizihije isabukuru y’imyaka 20 amaze avutse ngo mu masomo akomeye yigiye ku Isi ni uko nta muntu wigira ahubwo ko ubufatanye hagati y’abantu ari zo mbaraga zigeza ku ntsinzi.

Yavukiye muri Uganda muri District ya Kasese mu Burengerazuba bwa Uganda ku itariki ya 15 Ugushyingo 1996. Avuka mu muryango w’abana batandatu, abakobwa batatu n’abahungu batatu akaba umuhererezi mu muryango.

Jolly n’umuryango we batuye i Kanombe mu Mudugudu wa Rwimbogo, AKagari ka Rwinyange Mu Murenge wa Nyarugunga mu Karere ka Kicukiro. Asigaranye nyina gusa, kuko se yitabye Imana Jolly akiri muto.

Miss Mutesi Jolly yasobanuye ko iyi myaka amaze ku Isi ayifata nk’umuhigo ukomeye yesheje kuko hari byinshi yakoze bikamuhira nyamara agitangira guca akenge yarabonaga bitazamushobokera.

Yavuze ko ‘kera hari byinshi kera numvaga ntazishoboza, numvaga hari ibyo ntazageraho ariko Imana yarabikoze nabigezeho. Ni igihe cyo gusubiza amaso inyuma nkareba ibyo nakoze neza hanyuma n’ibyo nakoze nabi nkabikosora’.

Mutesi Jolly kandi yemeza ko mu gihe cyose amaze ku Isi yize byinshi birimo kumenya kwihangana, guha abantu bose agaciro buri wese mu rwego rwe gusa by’umwihariko ngo ‘yamenye ko nta muntu wigira ahubwo ubufatanye n’abandi ari byo bigeza umuntu ku iterambere.’

Nyuma yo gutorwa, Miss Jolly yahawe ibihembo bitandukanye birimo imodoka ya Suzuki SX4 ifite agaciro ka miliyoni 15 z’amafaranga y’u Rwanda, ndetse n’umushahara w’amafaranga ibihumbi 800 buri kwezi.

Mu mishanga yari afite atorwa harimo no guteza imbere ubukerarugendo, igikorwa ahamya ko yatangiye afatanyajie na RDB nk’uko yabitangaje ubwo yasuraga Pariki y’Igihugu ya Nyungwe kuwa 4-5 Ugushyingo 2016 muri gahunda ya “Tembera u Rwanda”

Icyo gihe yagize ati “Nari nsanzwe mfite umushinga wo guteza imbere ubukerarugendo mu gihugu imbere, nagiye muri ririya tsinda kugira ngo mbe urugero ku bandi […] No mu minsi iri imbere hari ibindi bikorwa mfite bizamfasha kwereka ababishaka ibyiza bitatse igihugu, bazajya biyandikisha hanyuma bahitemo aho tujyana urugendo rukorwe.”

Biteganyijwe ko kandi azitabira irushanwa rya Nyampinga w’Isi rizaba mu Kuboza 2016 (Miss World 2016), ku nshuro ya 65 kuko ryabaye bwa mbere mu 1951. Ni ku nshuro ya mbere u Rwanda ruzaba ruryitabiriye.

Mutesi Jolly aritegura kujya guhagararira u Rwanda muri Miss World 2016

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved